رفعت اللہ اورکزئی بی بی سی اردو ڈاٹ کام، پشاور

	پولیس کے مطابق بم دیسی ساخت کا تھا جس کا وزن نصف کلو تھا (فائل فوٹو)

پولیس کے مطابق یہ واقعہ جمعرات کی شام سات بجکر پندرہ منٹ پر شہر کے گنجان آباد علاقے ہشت نگری چوک میں واقع سٹی ڈگری کالج برائے خواتین کی دیوار کے قریب ہوا جس میں دو افراد معمولی زخمی ہوئے۔

عینی شاہدین کے مطابق دھماکے کی جگہ پرگہرا گڑھا پڑگیا تاہم کالج کی دیوار کو کوئی نقصان نہیں پہنچا۔

دھماکے کے فوری بعد پولیس اور بم ڈسپوزل سکواڈ کی بھاری نفری موقع پر پہنچ گئی اور جائے وقوعہ کو سیل کرتے ہوئے بم کے ٹکڑے حاصل کرکے تفتیش شروع کردی ہے۔

گزشتہ دو مہینوں کے دوران صوبے کے کئی شہروں اور قبائلی علاقوں میں نامعلوم افراد کی جانب سے خواتین کی سکولوں اور سی ڈی سنٹرز کو بم حملوں کا نشانہ بنایا گیا ہے۔

پشاور میں گزشتہ چند مہینوں کے دوران تقریباً ایک درجن بم دھماکے ہوچکے ہیں جن میں کئی افراد ہلاک ہوئے ہیں۔ایک خودکش حملہ محرم کے مہینے میں پیش بھی ہوا تھا جس میں پولیس کے اعلی اہلکار ہلاک ہوئے تھے۔

گزشتہ دو مہینوں کے دوران صوبے کے کئی شہروں اور قبائلی علاقوں میں نامعلوم افراد کی جانب سے خواتین کی سکولوں اور سی ڈی سنٹرز کو بم حملوں کا نشانہ بنایا گیا ہے۔

تاہم حکومت ان واقعات کا تدارک کرنے میں اب تک ناکام دکھائی دیتی ہے۔