اعجاز مہر بی بی سی اردو ڈاٹ کام، اسلام آباد

	قاضی حسین احمد کو اس سے قبل جسٹس افتخار کے لیے احتجاج کرنے پر گرفتار بھی کیا گیا تھا

ایم ایم اے کے رہنماء قاضی حسین احمد کو اسلام آباد میں ان کی رہائش گاہ پر نظر بند کر دیا گیا ہے۔

جماعت اسلامی کے ترجمان شاہد شمسی کے مطابق قاضی حسین احمد اپنی رہائش گاہ سے باہر جانے کے لیے نکلے تو پولیس نے انہیں روک دیا اور کہا کہ ان کے باہر جانے پر پابندی ہے۔

احتجاج جاری رہے گا  حکومت کی جانب سے چھاپوں اور گرفتاریوں کے باوجود تین اپریل کو سپریم کورٹ کے سامنے بھرپور احتجاج ہوگا حزب اختلاف

پیپلز پارٹی سیکریٹریٹ کے ترجمان ابن رضوی کے مطابق راولپنڈی میں ان کے ایک سرکردہ کارکن میاں عمران اسلم کے گھر پولیس نے چھاپہ مارا، لیکن ان کے گھر پر موجود نہ ہونے پر پولیس ان کے چھوٹے بھائی کو پکڑ کر لے گئی ہے۔

حزب مخالف کی جماعتوں نے اعلان کیا ہے کہ حکومت کی جانب سے چھاپوں اور گرفتاریوں کے باوجود تین اپریل کو سپریم کورٹ کے سامنے بھرپور احتجاج ہوگا۔

پیپلز پارٹی کے ترجمان کے مطابق ان کے سرکردہ رہنما مخدوم امین فہیم کی سربراہی میں پیپلز سیکریٹریٹ سے منگل کی صبح جلوس سپریم کورٹ کی طرف روانہ ہوگا۔