بابر میزائل 700 کلومیٹر تک مار کر سکتا ہے

پاکستانی فوج کے ایک ترجمان کے مطابق اس میزائل میں ریڈار سے بچ نکلنے کی صلاحیت بھی ہے۔ تاہم یہ نہیں بتایا گیا کہ میزائل کا یہ تجربہ کہاں کیا گیا۔

میزائل جسے بابر (حتف ہفتم) کا نام دیا گیا ہے 700 کلومیٹر تک مار کر سکتا ہے۔ فروری کے مہینے میں پاکستان نے زمین سے زمین پر مار کرنے والے حتف ششم میزائل کا کامیاب تجربہ کیا تھا۔ حتف ششم میزائل 2000 کلومیٹر تک مار کر سکتا ہے۔

مارچ کے آغاز میں بھی پاکستان نے کم فاصلے پر مار کرنے والے ایک میزائل کا کامیاب تجربہ کرنے کا دعویٰ کیا تھا۔ اس میزائل کے بارے میں بھی کہا گیا تھا کہ یہ نیوکلیئر وارہیڈ لے جانے کی صلاحیت رکھتا ہے۔

فوج نے کہا کہ جمعرات کو بابر نامی حتف سات کروز میزائیل کا کامیاب تجربہ کیا گیا ہے۔

میزائل تجربات  پاکستان اور اس کا ہمسایہ بھارت دونوں جوہری صلاحیت کے حامل ملک ہیں اور دونوں ہی میزائل تجربات کرتے رہتے ہیں

بابر میزائیل سات سو کلومیٹر کے فاصلے پر ہدف کو نشانہ بنا سکتا ہے اور اس میں مختلف قسم کے ہتھیار لے جانے کی صلاحیت ہے۔

پاکستان اور اس کا ہمسایہ بھارت دونوں جوہری صلاحیت کے حامل ملک ہیں اور دونوں ہی میزائل تجربات کرتے رہتے ہیں۔ حال ہی میں دونوں ملکوں نے ایک معاہدے پر دستخط کیے ہیں، جس کے تحت خطے میں ایٹمی جنگ کے امکانات کو کم کیا جائے گا۔

ایک دوسرے کے خلاف متعدد جنگیں لڑنے والے دونوں ممالک کے درمیان تناؤ میں کمی دیکھنے میں آ رہی ہے۔