 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
طویل ایجنڈے پر مفصل بات چیت | ||||||||||||||||||||||||||||||||||||||||
پاکستان اور ہندوستان بدھ کو دلی میں ایک طویل ایجنڈے پر باضابطہ مذاکرات اور اعتمادسازی کے اقدامات میں مزید پیش رفت پر غور کرنے والے ہیں۔ امکان ہے کہ مذاکرات کے اس اہم دور کے بعد دونوں حکومتوں کے نمائندے کچھ معاہدوں پر دستخط کریں گے۔ پاکستان کے وزیر خارجہ خورشید محمود قصوری تقریباّ اٹھارہ تیکنیکی ماہرین کے ایک وفد کے ساتھ مذاکرات کے لیے گزشتہ روز دلی پہنچے۔ اتوار کی رات پانی پت کے قریب سمجھوتہ ایکسپریس میں بم دھماکوں کے نتیجے میں 68 افراد کی ہلاکت کے بعد خدشہ پیدا ہوگیا تھا کہ کہیں پہلے سے طے شدہ مذاکرات ملتوی نہ کر دیئے جائیں لیکن دونوں ملکوں نے بات چیت جاری رکھنے کو ترجیح دی۔ خورشید قصوری بدھ کو وزیر اعظم من موہن سنگھ اور حزب اختلاف کے قائدین سے ملاقاتیں کریں گے۔ تاہم ان کے اصل مذاکرات بھارت کے وزیر خارجہ پرنب مکرجی کے ساتھ ہوں گے۔ دہلی سے نامہ نگار شکیل اختر کا کہنا ہے مذاکرات کا ایجنڈا کافی طویل ہے جس پر مفصل بات چیت ہوگی اور اعتمادسازی کے اقدامات میں پیش رفت پر بھی غور کیا جائے گا۔
اتوار کی رات سمجھوتہ ایکسپریس پر حملے کی واردات ان مذاکرات کو کس طرح متاثر کر سکتی ہے اس کے بارے میں شکیل اختر کا کہنا تھا دونوں ممالک نے اس عزم کا اظہار کیا ہے کہ دہشت گردی کی کارروائی کو مذاکرات کے راہ میں حائل نہیں ہونے دیا جائے گا۔ خورشید محمود قصوری نےگزشتہ روز ان خدشات کی تردید کی تھی کہ سمجھوتہ سانحے سے پاکستان اور بھارت کے درمیان جاری امن کے عمل پر اثر پڑے گا۔ ان کا کہنا تھا: ’بلکہ اس واقعے کے بعد تو امن کے عمل میں اور تیزی لائی جانی چاہیے۔‘ انہوں نے کہا کہ سمجھوتہ بم حملوں کا ارتکاب کرنے والوں کو اپنے مقاصد میں کامیاب نہیں ہونا چاہیے۔ دلی میں سینئر صحافی سدھارت ورد راجن نے بی بی سی کو بتایا کہ پاکستان اور ہندوستان کے درمیان قائم مشترکہ کمیشن جس کا اجلاس بدھ کو ہو رہا ہے، دوطرفہ اشوز کے حل میں کافی مدد فراہم کرے گا۔ ان کا کہنا تھا کہ فوری طور پر دونوں ممالک خفیہ معلومات کے تبادلے پر شاید تیار نہ ہوں لیکن اگلے دو تین اجلاسوں میں ابتدائی طور پر ایسا ہونا ممکن ہے کیونکہ دہشت گرد انڈیا اور پاکستان دونوں ممالک میں اہداف مقرر کرتے ہیں اور انہیں نشانہ بنانے کی کوشش کرتے ہیں۔ ہمارے نامہ نگار کا کہنا ہے کہ خورشید قصوری اس دورے میں علیحدگی پسند کشمیری رہنماؤں سے بھی ملاقات کریں گے۔ دونوں ممالک جوہری حادثات کے امکان کو کم کرنے کے لیے بھی ایک معاہدے پر دستخط کریں گے۔ اس کے علاوہ بدھ کو ہونے والے مذاکرات میں کشمیر کا مسئلہ اور سیاچن گلیشیئر پر فوج میں کمی پر بھی بات چیت ہوگی۔ |  اسی بارے میں  ’پاک-انڈیا تعلقات متاثر نہیں ہوں گے‘20 February, 2007 | انڈیا لاشوں کی شناخت پر متضاد دعوے21 February, 2007 | انڈیا ٹرین میں تخریب کاری: 66 ہلاک19 February, 2007 | انڈیا لواحقین کے لیے خصوصی ٹرین19 February, 2007 | پاکستان ’دھماکوں کی تحقیقات کرائیں‘19 February, 2007 | پاکستان فون ہیلپ لائن، ویزا کی سہولت19 February, 2007 | پاکستان ’سمجھوتہ ایکسپریس تخریب کاری کا نشانہ‘19 February, 2007 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
دونوں ممالک خفیہ معلومات کے تبادلے پر شاید تیار نہ ہوں لیکن اگلے دو تین اجلاسوں میں ابتدائی طور پر ایسا ہونا ممکن ہے کیونکہ دہشت گرد انڈیا اور پاکستان دونوں ممالک میں اہداف مقرر کرتے ہیں اور انہیں نشانہ بنانے کی کوشش کرتے ہیں
