عزیزاللہ خان بی بی سی اردو ڈاٹ کام کوئٹہ

	چھت سلینڈر کے پھٹ جانے سے گری

خضدار کے ڈپٹی سپرنٹنڈنٹ پولیس محمد رفیق مینگل نے بتایا ہے کہ باغبانہ کے علاقے میں گیس سلنڈر پھٹنے سےمکان کی چھت گرگئی ہے جس سے تین خواتین موقع پر ہلاک ہوگئیں جبکہ دس افراد زخمی ہوگئے ہیں۔ دو افراد ہسپتال لے جاتے ہوئے دم توڑ گئے ہیں۔

ایک زخمی رحیم بخش نے بتایا ہے کہ سب لوگ رات کے وقت ایک کمرے میں موجود تھے اور گیس سلنڈر میں نقص تھا جو اچانک پھٹ گیا ہے۔

خضدار ہسپتال کے میڈیکل سپرنٹنڈنٹ ڈاکٹر خلیل احمد نے بتایا ہے کہ زیادہ تر زخمیوں کے جسم جھلس گئے ہیں جنہیں طبی امداد فراہم کی جا رہی ہے۔