عزیزاللہ خان بی بی سی اردو ڈاٹ کام، کوئٹہ

	بلوچستان کے مختلف علاقوں میں راکٹ داغنے کے واقعات معمول ہیں

شہر میں امن و امان کے حوالے سے فرنٹیئر کور کو تعینات کیا گیا ہے۔

ایک راکٹ سے ایک بنگلے کا خالی کمرہ اور دوسرے سے ایک تین منزلہ عمارت کی تیسری منزل نشانہ بنی۔

پولیس حکام نے بتایا ہے کہ اب تک یہ معلوم نہیں ہو سکا کہ یہ راکٹ کس نے اور کہاں سے داغے ہیں تاہم تحقیقات کی جا رہی ہیں۔ اس واقعے کی ذمہ داری تاحال کسی نے قبول نہیں کی ہے۔

بلوچستان کے دورافتادہ تحصیل مشکے میں نیم شب کے وقت کم سے کم تین راکٹ داغے گئے تھے جن کی ذمہ داری ایک نامعلوم شخص نے ٹیلیفون پر اپنے آپ کو دودا بلوچ ظاہر کرتے ہوئے بلوچ لبریشن فرنٹ کی جانب سے قبول کی تھی۔

کوئٹہ سمیت بلوچستان کے مختلف علاقوں میں راکٹ داغنے کے واقعات معمول ہیں جن میں سے کچھ کی ذمہ داری کالعدم تنظیم بلوچ لبریشن آرمی یا بی ایل ایف کے تر جمان قبول کرتے رہتے ہیں۔

اس کے علاوہ جمعہ کو کوئٹہ شہر میں فرنٹیئر کور کے دستے بھی تعینات کیے گئے ہیں تاکہ محرم کے دوران کوئی ناخوشگوار واقعہ پیش نہ آئے۔

فرنٹییر کور کے ترجمان اور پولیس حکام نے بتایا ہے کہ قانون نافذ کرنے والے اہلکاروں کو شہر کے مختلف حساس مقامات پر تعینات کیا گیا ہے اس کے علاوہ شہر میں بکتر بند گاڑیوں کا گشت بھی جاری ہے۔