ہارون رشید بی بی سی اردو ڈاٹ کام، پشاور

	ٹانک میں پولیس کی گاڑی بارودی سرنگ سے ٹکرانے سے تین اہلکار زخمی ہوگئے تھے

ٹانک میں ڈپٹی سپرنٹینڈینٹ پولیس محمد خان نے اغواء کی واردات کی تصدیق کرتے ہوئے کہا کہ ابھی واضح نہیں کہ یہ کس کی کارروائی ہوسکتی ہے۔

اغواء کیے جانے والے پولیس اہلکاروں کا تعلق فرنٹئیر ریزرو پولیس سے تھا۔ ان کے نام بہادر خان، رحمت خان اور فضل شاہ بتائے جاتے ہیں۔ یہ تینوں کانسٹیبل تھے۔

تین روز قبل ٹانک میں ہی نامعلوم افراد کی جانب سے نصب بارودی سرنگ سے پولیس کی ایک گاڑی کے ٹکرانے سے تین اہلکار زخمی ہوگئے تھے۔

اغواء کی واردات کوٹ اعظم کے مقام پر قائم ایک چوکی پر پیش آئی۔ کسی نے ابھی اس کی ذمہ داری قبول نہیں کی ہے۔

ٹانک شہر قبائلی علاقے جنوبی وزیرستان کے ساتھ سرحد پر واقع آخری بندوبستی علاقہ ہے۔ جنوبی وزیرستان کا یہ اہم انتظامی مرکز ہے۔ یہاں ایجنسی کے پولیٹکل ایجنٹ سمیت کئی اہلکاروں کے دفاتر واقع ہیں۔