ریاض سہیل بی بی سی اردو ڈاٹ کام ، کراچی

	امکان ہے کہ اختر مینگل کو کراچی میں انسدادِ دہشتگردی کی عدالت میں پیش کیا جائے گا

اسی روز سردار اختر مینگل کو کراچی میں انسداد دہشتگردی کی عدالت میں بھی پیش کیے جانے کا امکان ہے۔

سردار اختر مینگل کے والد سینئر سیاستدان سردار عطااللہ مینگل نے بی بی سی کو بتایا کہ اب تک کسی سے ملاقات ہونے نہیں دی گئی۔ منگل کو وکیل عدالت میں پیش ہونگے تاکہ معلوم کرسکیں کہ اختر کو کس مقدمے میں گرفتار کیا گیا ہے۔

انہوں نے کہا کہ بلوچستان اور سندھ حکومت نے مرکزی حکومت کی ہدایت پر عمل کرتے ہوئے یہ منصوبہ بنایا ہے تاکہ اختر کو کراچی منتقل کرکے اس پر مقدمہ چلایا جائے یا نظر بند کیا جائے۔

	’جس ملک میں قانون کی حکمرانی نہ ہو، ایک شخص کی مرضی پر معاملات چلتے ہوں وہاں کیا کہا جا سکتا‘

قانون بھی ان کی لونڈی بن چکا ہے اور آئین کو ویسے ہی روندا گیا ہے۔

ایک سوال کے جواب میں انہوں نے کہا کہ ایسے اقدامات سے وہ اپنی منزل دور کر رہے ہیں اور ہماری منزل کو قریب لا رہے ہیں۔

اس طریقے سے اگر لوگوں کے وسائل پر قبضہ ہوجاتا تو پوری دنیا سے لفظ مہذب اور تہذیب کو ڈکشنری سے نکال دیا جاتا۔

واضح رہے کہ سردار اختر مینگل کو ملٹری انٹلی جنس کے اہلکاروں پر تشدد کے الزام میں گرفتار کر کے حب سے کراچی منتقل کیا گیا ہے۔

سندھ کے سیکریٹری داخلہ کا کہنا تھا کہ انہیں منگل کو عدالت میں پیش کیا جائیگا۔