عبدالحئی کاکڑ بی بی سی، پشاور

	طاقت کی بجائے مذاکرات کا راستہ اختیار کیا گیا ہے

بی بی سی سے بات کرتے ہوئے ان کا کہنا تھا کہ ملک میں دہشت گردی کے واقعات میں کمی کی بنیادی وجہ حکومت کی وہ پالیسی ہے جس کے تحت ستمبر سے مسائل کے حل کے لیے طاقت کی بجائے مذاکرات کا راستہ اختیار کیا گیا ہے۔

امن معاہدوں میں خامیاں دور کریں: اورکزئی

شوکت سلطان کا کہنا تھا کہ گزشتہ تین سالوں کے دوران حکومت نے ایک ’حکمت عملی‘ کے تحت قبائلی علاقوں میں دہشت گردی کو جڑ سے اکھاڑ پھینکا ہے۔ ’ہم نے دوہزارچار میں جنوبی وزیرستان اور دوہزار چھ میں شمالی وزیرستان میں فوجی آپریشن کے ذریعے دہشت گردی کا خاتمہ کیا‘۔

ان کے بقول ابتداء میں بعض ’تخریب کار‘ بات چیت کے لیے تیار نہیں تھے، لیکن گھیرا تنگ ہونے پر وہ بھی مذاکرات کرنے پر آمادہ ہوگئے۔ تاہم ان کا کہنا تھا کہ ایسا بھی نہیں ہے کہ دہشت گردی سے نمٹنے کے لیے مستقبل میں کسی قسم کی طاقت استعمال نہیں کی جائیگی۔

گھیرا تنگ  ابتداء میں بعض تخریب کار بات چیت کے لیے تیار نہیں تھے، لیکن گھیرا تنگ ہونے پر وہ بھی مذاکرات کرنے پر آمادہ ہوگئے شوکت سلطان

’حکومت مقاصد کے حصول کے لیے فوجی یا غیر فوجی حکمت عملی اختیار کر سکتی ہے، مطلوب دہشت گردوں کے خلاف آپریشن جاری رہے گا‘۔ ان کا دعویٰ تھا کہ رواں سال کے دوران پاکستان میں القاعدہ کا نیٹ ورک ختم کر دیا گیا ہے اور اس کے بہت سے کارکن گرفتار ہیں۔

شوکت سلطان سے جب پوچھا گیا کہ اس سال درگئی میں فوجی مرکز کو ایک خودکش بمبار نے تاریخ میں پہلی بار نشانہ بناکر بیالیس زیر تربیت فوجیوں کو ہلاک کردیا تو انکا کہنا تھا ’ فوج کے لیے یہ ایک باعث تشویشناک واقعہ تھا، ہم نے اس کا تجزیہ کیا اور اسکی روشنی میں چند حفاظتی اقدامات اٹھائے ہیں‘۔