اعجاز مہر بی بی سی اردو ڈاٹ کام، اسلام آباد

	’مسئلہ کشمیر کا حل کشمیری قیادت، پاکستان اور بھارت مل کر نکالیں گے‘

انہوں نے یہ بات پیر کو مسلم لیگ ہاؤس میں تین روزہ آل انڈیا مسلم لیگ کانفرنس کی افتتاحی تقریب سے خطاب کے بعد صحافیوں سے بات چیت کرتے ہوئے کی۔

’کشمیر: دستبردار ہونے کو تیار ہیں‘

کشمیر: ’مشرف کو یہ اختیار نہیں‘

’کشمیر پاکستان کا اٹوٹ انگ نہیں‘

منموہن:’نئی تجاویز کا خیر مقدم‘

شوکت عزیز نے کہا کہ مسئلہ کشمیر کا حل کشمیری قیادت، پاکستان اور بھارت مل کر کشمیری عوام کی خواہشات کے مطابق نکالیں گے۔

واضح رہے کہ حال ہی میں صدر جنرل پرویز مشرف نے کہا تھا کہ اگر بھارت کشمیر کے بارے میں پاکستان کی تجاویز مان لے تو وہ کمشیر سے دستبردار ہونے کو (اپنے پرانے موقف سے دستبردار ہونے کو) تیار ہیں۔

اس کے ساتھ ہی دفتر خارجہ کی ترجمان تسنیم اسلم نے کہا تھا کہ کشمیر پاکستان کا اٹوٹ انگ ہے اور نہ کبھی پاکستان نے کبھی ایسا کہا ہے۔

ان کے بیانات کے بعد سیاسی جماعتوں کا ملا جلا رد عمل سامنے آیا اور بیشتر مذہبی جماعتوں اور بعض شدت پسند تنظیموں نے حکومت کے ذمہ داران کے اُن بیانات پر اپنے رد عمل میں کہا تھا کہ کشمیر پالیسی پر حکومت نے ’یو ٹرن‘ لیا ہے۔

	کشمیر پاکستان کا اٹوٹ انگ نہیں ہے اور نہ ہی کبھی پاکستان نے ایسا دعویٰ کیا ہے: تسنیم اسلم

ایسے میں اب وزیراعظم شوکت عزیز کا یہ بیان آیا ہے کہ کشمیر پاکستان کے نقشے میں ایک متنازعہ علاقے کے طور پر شامل رہا ہے۔

قبل ازیں آل انڈیا مسلم لیگ کی صد سالہ تقریبات کے سلسلے میں منعقد تین روزہ کانفرنس سے خطاب کرتے ہوئے انہوں نے کہا کہ وی آئی پی کلچر کا خاتمہ کرکے قائد اعظم کی زندگی پر عمل کرنا ہوگا۔

انہوں نے کہا کہ بعض مذہبی جماعتوں نے پاکستان بننے کی مخالفت کی تھی لیکن آج پاکستان جوہری ملک ہے اور صدر جنرل پرویز مشرف کی رہنمائی میں خوشحالی اور ترقی پسندی کی راہ پر گامزن ہے۔

واضح رہے کہ آل انڈیا مسلم لیگ نامی جماعت انیس سو چھ میں وجود میں آئی تھی اور اس وقت بنگلہ دیش اور پاکستان متحدہ ہندوستان کا حصہ تھے۔ جماعت کی صد سالہ تقریبات کے سلسلے میں منعقد کانفرنس میں تینوں ممالک کے علاوہ دیگر ممالک کے نمائندے بھی شریک ہیں۔