رفعت اللہ اورکزئی بی بی سی اردو ڈاٹ کام، پشاور

	بارشوں کے نتیجے میں سڑکوں کی ٹوٹ پھوٹ سے حادثات بڑھے ہیں(فائل فوٹو)

ہلاک ہونے والوں میں دو بچے بھی شامل ہیں۔

یہ واقعہ اتوار کے روز ایبٹ آباد شہر سے اسی کلومیٹر دور سحری کھٹا کے مقام پر اس وقت پیش آیا جب سواریوں سے بھری ایک تیز رفتار جیپ نتھیاگلی سے گوجھانکسی جاتے ہوئے بے قابو ہو کر ایک گہری کھائی میں جا گری۔

تھانہ بگھوٹ کے اہلکاروں کے مطابق جیپ میں ڈرائیور سمیت بارہ افراد سوار تھے جن میں سے نو ہلاک اور تین زخمی ہوئے ہیں جنہیں مقامی ہسپتال میں داخل کیا گیا ہے ۔ پولیس کے مطابق واقعہ تیزرفتاری کے باعث پیش آیا۔

واضح رہے کہ حالیہ بارشوں اور سیلاب کی وجہ سے مانسہرہ اور ایبٹ آباد کے اضلاع میں شاہراہوں کو وسیع پیمانے پر نقصان پہنچا ہے اور کئی علاقوں میں سڑکیں زیرِ آب رہنے کی وجہ سے ٹوٹ پھوٹ گئی ہیں جس کی وجہ سے ٹریفک حادثات میں اضافہ ہوا ہے۔