ہارون رشید
بی بی سی اردو ڈاٹ کام، پشاور |  |
| | | مشینری کی عدم دستیابی کے باعث امدادی کاموں میں مشکلات کا سامنا ہے |
صوبہ سرحد کے شمالی علاقے سوات میں حکام کا کہنا ہے کہ اتوار کو پہاڑی تودہ گرنے سے کم از کم بارہ افراد ہلاک ہوگئے ہیں۔ آخری اطلاعات تک دس افراد اب بھی لاپتہ ہیں۔ ضلع سوات کے ناظم جمال ناصر نے بتایا کہ کالام کے قریب گاہل گاؤں کے تین مکانات پر یہ پہاڑی تودہ علاقے میں شدید بارش کی وجہ سے گرا ہے۔ آخری اطلاعات آنے تک بارہ افراد کی لاشیں جن میں چار خواتین اور ایک ایک سالہ بچی بھی شامل تھی نکال لی گئی ہیں جبکہ تین لڑکوں کو زندہ بچا لیا گیا ہے۔ حکام کے مطابق دس افراد اب بھی لاپتہ ہیں۔ متاثرہ علاقے میں امدادی سرگرمیاں جاری ہیں۔ تاہم بھاری مشینری کی عدم دستیابی کی وجہ سے مشکلات پیش آ رہی ہیں۔ | 
دو سو بچوں سمیت ہزاروں ملبے کے نیچے
