عزیزاللہ خان بی بی سی اردو ڈاٹ کام کوئٹہ

	حالیہ دنوں میں بلوچستان میں دھماکوں میں اضافہ ہوا ہے

یہ دھماکہ ساکران روڈ پر پیر بابا عبداللہ کی درگاہ کے قریب اس وقت ہوا ہے جب ایک روز بعد صدر جنرل پرویز مشرف کا حب کا دورہ متوقع ہے۔

حب پولیس تھانے میں موجود اہلکار نے بتایا ہے کہ نا معلوم افراد نے بم ایک سائکل پر رکھا تھا۔ اس دھماکے میں تین پولیس اہلکار اور تین شہری زخمی ہوئے ہیں۔ زخمیوں کو کراچی ہسپتال منتقل کر دیا گیا ہے۔

بلوچستان میں حملوں میں اضافہ حالیہ دنوں میں بلوچستان میں پولیس اہلکاروں پر حملوں میں اضافہ ہوا ہے۔ گزشتہ ہفتے نا معلوم افراد نے کوئٹہ میں پولیس ٹریننگ کالج کی فائرنگ رینج میں پانچ دھماکے کیے تھے جن میں چھ پولیس اہلکار ہلاک اور تیرہ زخمی ہوئے تھے

حب کوئٹہ سے کوئی ساڑھے چھ سو کلومیٹر دور جنوب میں کراچی شہر کے قریب واقع ہے۔ صدر جنرل پرویز مشرف سوموار کو حب کا دورہ کریں گے۔

اس کے علاوہ بلوچستان میں پولیس اہلکاروں پر حملوں میں بھی اضافہ ہوا ہے۔ گزشتہ ہفتے نا معلوم افراد نے کوئٹہ میں پولیس ٹریننگ کالج کی فائرنگ رینج میں پانچ دھماکے کیے تھے جن میں چھ پولیس اہلکار ہلاک اور تیرہ زخمی ہوئے تھے ۔

اس کے علاوہ کچھ روز پہلے میں ڈیرہ اللہ یار میں نا معلوم افراد نے پولیس چوکی پر حملہ کیا تھا جس میں دو پولیس اہلکار ہلاک ہو گئے تھے۔ ڈیرہ اللہ یار کے پولیس افسر نے کہا ہے کہ اس حملے میں ملوث دو ملزمان کو گرفتار کر لیا گیا ہے۔