ریاض سہیل بی بی سی اردوڈاٹ کام، کراچی

	بدر اقبال کے سوگوار بھائی اور بیٹا ان کے انتقال کی خبر پر

شہر کے علاقے لائٹ ہاؤس میں ہفتے کی شام بدراقبال پر اس وقت موٹر سائیکل پر سوار مسلح افراد نے فائرنگ کی جب ان کی گاڑی سگنل پر سرخ بتی کی وجہ سے رکی ہوئی تھی۔

واقعے کے چشم دید گواہ پولیس کانسٹیبل غلام شبیر نے بتایا کہ جیسے ہی بدر اقبال کی کار رکی تو موٹر سائیکل پر سوار دو مسلح افراد نے ان کی گاڑی کے قریب آکر رکے اس دوران پیچھے بیٹھا ہوا شخص اترا اور کلاشنکوف سے فائرنگ کی۔

سپاہی نے بتایا کہ اس دوران اس نے اپنی کلاشنکوف سے فائرنگ کی جس کی ایک گولی موٹر سائیکل سوار کی پیٹھ میں لگی اور وہ زخمی حالت میں فرار ہوگیا۔

مسلح افراد کی فائرنگ میں بدر اقبال اور ان کے ڈرائیور سرفراز نے موقع پر دم توڑ دیا جبکہ ایک زخمی راہگیر دانش ہسپپتال میں انتقال کر گیا۔

بدر اقبال مسلم لیگ (ق) سے قبل متحدہ قومی موؤمنٹ اور مہاجر قومی موؤمنٹ میں بھی رہے اور نوے کی دہائی میں انہیں نگران حکومت میں صوبائی وزیر بھی مقرر کیا گیا تھا۔

مسلم لیگ( ق) کے رہنما سابق ایم پی اے فاروق اعوان کا کہنا تھا کہ اس ملک میں نہ تو کوئی قانون ہے اور نہ حکومت ہے

حکمران جماعت کے رہنما کا کہنا تھا کہ اس ملک میں نہ تو کوئی قانون ہے اور نہ حکومت ہے۔ حکومتی پارٹی عہدیدار سے ایسا ظلم ہو۔

انہوں نے کہا کہ اس سے پہلے ان کے ڈپٹی سپیکر عبدالرازق خان کو قتل کیا گیا ان کے بھی قاتل آج تک ظاہر نہیں ہوسکے۔