آٹھ اکتوبر کے بعد زلزلوں کے جھٹکے ہزاروں کی تعداد میں محسوس کیے گئے

کشمیر کے زلزلے پر خصوصی ضمیمہ

محکمہ موسمیات (میٹ ڈیپارٹمنٹ) کے مطابق زلزلے کی شدت ریکٹر سکیل پر پانچ عشاریہ دو تھی۔

ابھی تک کسی جانی یا مالی نقصان کی اطلاع نہیں ملی۔

زلزلہ پاکستان کے دارالحکومت اسلام آباد کے علاوہ لاہور، جہلم اور پشاور میں بھی محسوس کیا گیا ہے۔

محکمہ موسمیات کے مطابق زلزلے کا مرکز پشاور شہر سے تین سو کلو میٹر دور مشرق میں تھا۔

محکمہ موسمیات کے سربراہ قمرالزماں نے خبر رساں ادارے اے ایف پی کو بتایا ہے کہ یہ آٹھ اکتوبر کو آنے والے زلزلے کے جھٹکوں کا ہی سلسلہ ہے۔

جھٹکے مقامی وقت کے مطابق بارہ بجکر پچاس منٹ پر محسوس کیے گئے۔

اکتوبر کو آنے والے زلزلے کے بعد اب تک ایک ہزار سات سو پچاس جھٹکے محسوس کیے گئے ہیں اور قمر الزماں کا کہنا ہے کہ ابھی کچھ ہفتے تک مزید جھٹکے محسوس کیے جائیں گے۔