ریاض سہیل بی بی سی اردوڈاٹ کام ،کراچی

	متحدہ قومی مومنٹ صوبائی اور مرکزی حکومت میں شامل ہے

شہر کے سائیٹ کے علاقے میں ہفتے کی شام کو کمال احمد اور محمد عامر کو قتل کیا گیا۔

پولیس کے مطابق کمال احمد اور محمد عامر ایک جیپ میں قصبہ کالونی جا رہے تھے کہ بڑا بورڈ پر ان کی گاڑی ٹریفک میں پھنس گئی۔ اس دوران موٹر سائیکل پر سوار نامعلوم افراد نے ان پر فائرنگ کی اور دونوں موقع پر ہی ہلاک ہوگئے۔

متحدہ قومی مومنٹ کے اعلامیے کے مطابق کمال انصاری سینیئر کارکن اور عامر احمد کارکن کے بھائی اور ہمدرد تھے۔

ایم کیو ایم کی رابطہ کمیٹی نے کہا ہے کہ قتل کی یہ واردات امن وامان خراب کرنے کی گھناونی سازش ہے۔ ایسا محسوس ہوتا ہے کہ امن دشمن عناصر شہر کا امن خراب کرنے پر تلے ہیں۔

رابطہ کمیٹی نے حکومتی حکام سے مطالبہ کیا کہ قتل میں ملوث ملزمان کو گرفتار کیا جائے۔