ہارون رشید بی بی سی اردو ڈاٹ کام، پشاور

	سرحدی خلاف ورزیوں کے خلاف حزب اختلاف میں اشتعال پایا جاتا ہے

حکام نے کارروائی کے دوران داغے گئے دو شیل پاکستانی علاقے میں گرنے کی بھی تصدیق کی تاہم ان سے کسی جانی یا مالی نقصان کی اطلاع نہیں ملی ہے۔

پاکستان فوج کے ترجمان میجر جنرل شوکت سلطان کا کہنا تھا کہ ہیلی کاپٹر کی یہ ’تکنیکی خلاف ورزی‘ تھی تاہم انہوں نے اس کی وضاحت نہیں کی۔

ترجمان کے مطابق سرحد کی یہ تازہ خلاف ورزی سرحد پار افغانستان کے پکتیا صوبے میں مزاحمت کاروں کے خلاف اتحادی افواج کی ایک کارروائی کی دوران رونما ہوئی۔

شمالی وزیرستان میں اس سے قبل بھی امریکی فوجیوں نے کئی بار سرحد پار کرکے کارروائیاں کی ہیں جن میں کئی پاکستانی ہلاک بھی ہوئے۔

تاہم سب سے بڑا نقصان تیرا جنوری کو پاکستان کے قبائلی علاقے باجوڑ میں امریکی بمباری سے تیرہ افراد کی ہلاکت کا تھا۔

پاکستان نے اس خلاف ورزی پر امریکہ سے احتجاج بھی کیا تھا۔ ملک کی حزب اختلاف کی جماعتوں نے بھی اس مسئلے پر کئی احتجاجی مظاہرے منعقد کیے۔