 | | | حالیہ زلزلے سے کسی جانی یا مالی نقصان کی اطلاع نہیں ملی |
پاکستان میں محکمہ موسمیات کے حکام کا کہنا ہے کہ ملک کے شمالی علاقوں میں نسبتًا دھیمی شدت کا ایک اور زلزلہ آیا ہے۔ اس زلزلے کی شدت ریکٹر سکیل پر پانچ اعشاریہ ایک تھی۔ حکام کا کہنا ہے کہ زلزلے سے سے کسی جانی یا مالی نقصان کی اطلاع نہیں ملی ہے۔ اس زلزلے کا مرکز صوبہ سرحد کے دارالحکومت پشاور شہر سے دو سوکلو میٹر دور شمال مشرق میں تھا۔ درمیانی شدت کا یہ زلزلہ مقامی وقت کے مطابق بدھ کی صبح دس بج کر انچاس منٹ پر آیا اور اس کی شدت اسلام آباد سمیت کئی شہروں اور پاکستان کے زیرانتظام کشمیر کے حصوں میں محسوس کی گئی۔ پاکستان میں حکام کے مطابق گزشتہ سال آٹھ اکتوبر کو آنے والے زلزلے میں 73ہزار افراد ہلاک جبکہ لاکھوں بے گھر ہو چکے ہیں۔ اس پورے خطے میں آٹھ اکتوبر کے قیامت خیز زلزلے کے بعد سے اب تک پندرہ سو سے زائد جھٹکے محسوس کیے جا چکے ہیں۔
| 
کالا باغ ڈیم نے زلزلہ بھلا دیا
