لشکرِ جھنگوی کے سابق سربراہ آصف چھوٹو کو ستمبر کے آخری ہفتے میں گرفتار کیا گیا تھا

امریکی خبر رساں ادارے ایسوسی ایٹڈ پریس نے دو سرکاری سکیورٹی اہلکاروں کے حوالے سے کہا ہے کہ عثمان چھوٹو کو دو روز پہلے کراچی سے گرفتار کیا گیا۔

تاہم پولیس حکام ابھی تک عثمان چھوٹو کی گرفتاری کی تصدیق نہیں کی ہے۔

فرانسیسی خبر رساں ادارے اے ایف پی کے مطابق اس سال کالعدم لشکر جھنگوی کے رہنما آصف چھوٹو کی گرفتاری کے بعد سے عثمان چھوٹو تنظیم کے اہم انتظامی سربراہ کی شکل اختیار کر چکے ہیں۔

پاکستان کے ایک نجی ٹی وی چینل کے مطابق حکومت نے عثمان چھوٹو کی گرفتار پر دس لاکھ روپے کے انعام کا اعلان کر رکھا تھا۔

عثمان چھوٹو کو اس وقت سے کالعدم لشکر جھنگوی کے اہم ارکان میں شمار کیا جاتا ہے جب انہوں نے صرف تیرہ سال کی عمر میں لاہور میں ایک پولیس افسر کے قتل میں اہم کردار ادا کیا تھا۔

اس وقت عثمان چھوٹو بیس کے پیٹے میں بتائے جاتے ہیں۔ حکام کے مطابق گزشتہ دو سال کے دوران عثمان چھوٹو نے ملک کے مختلف حصوں سے خودکش بمبار بھرتی کرنے میں اہم کردار ادا کیا ہے۔