اعجاز مہر بی بی سی اردو ڈاٹ کام، اسلام آباد

	پچھلے مہینے بھی ایک خیمہ بستی میں آگ لگ جانے سے ایک بچہ ہلاک ہوا تھا

متعلقہ علاقے میں امدادی کاموں کے انچارج میجر ظفر نے بی بی سی کو بتایا کہ ہلاک ہونے والوں میں چار بچے بھی شامل ہیں۔

ان کے مطابق بنسیر پائیں نامی گاؤں میں ایک گھر کے اندر لگائے ہوئے خیمے میں موم بتی سے آگ لگی اور خیمے میں دھواں بھرنے سے چار بچے موقع پر ہی ہلاک ہوگئے۔

بنسیر پائیں نامی گاؤں میں ایک گھر کے اندر لگائے ہوئے خیمے میں موم بتی سے آگ لگی اور خیمے میں دھواں بھرنے سے چار بچے موقع پر ہی ہلاک ہوگئے۔

میجر ظفر نے بتایا کہ ہلاک ہونے والوں میں ساٹھ سالہ عبدالکریم اور ان کی بیگم اور ان کی پینتیس سالہ بیٹی گلناز بی بی شامل ہیں جبکہ چاروں بچے گلناز بی بی کے ہیں جو اپنے ننہیال میں تھے۔

ان کے مطابق بچوں کے والد اسلام آباد میں ایک نجی کمپنی میں ملازمت کرتے ہیں جہاں انہیں مطلع کردیا گیا ہے۔

واضح رہے کہ اس سے پہلے بھی مختلف علاقوں میں قائم خیمہ بستیوں میں آگ لگنے سے کچھ افراد ہلاک ہوچکے ہیں۔