اعجاز مہر بی بی سی اردو ڈاٹ کام، اسلام آباد

	صدر مشرف نے بڑے پیمانے پر امدادی سامان بھجوانے پر امریکی ہم منصب کا شکریہ ادا کیا

انہوں نے زلزلے سے ہونے والے نقصان پر امریکی حکومت اور عوام کی جانب سے دلی دکھ کا اظہار کرتے ہوئے کہا کہ سنیچر کے روز ہونے والی عالمی امدادی کانفرنس میں امریکی وفد شرکت کرے گا اور پاکستان کی بحالی اور تعمیر نو کے کاموں میں بھرپور مدد کی جائے گی۔

صدر جنرل پرویز مشرف نے ہیوی مشینری اور بڑے پیمانے پر امدادی سامان بھجوانے پر امریکی ہم منصب کا شکریہ ادا کیا۔

واضح رہے کہ اس وقت بھی امریکہ کے بڑے ہیلی کاپٹر شنوک، سڑکیں کھولنے کے لیے مشینری، انجنیئرز اور ڈاکٹرز کی ٹیمیں امدادی کام میں مصروف ہیں۔

صدر جنرل پرویز مشرف اور وزیراعظم شوکت عزیز کو گزشتہ دنوں سے روس، فرانس، جرمنی اور دنیا کے دیگر اہم ممالک اور حکومتوں کے سربراہان کے فون آچکے ہیں اور انہوں نے بھی بھرپور امداد اور تعاون کا یقین دلایا ہے۔