اعجاز مہر بی بی سی اردو ڈاٹ کام، اسلام آباد

	کشمیر میں سردی سے ٹھٹھرتا ہوا ایک بوڑھا شخص

انہوں نے بتایا تھا کہ بیشتر ہیلی کاپٹر جن میں امریکہ کے بڑے 'چنوک، ہیلی کاپٹر بھی شامل ہیں چکلالہ کے ہوائی اڈے پر کھڑے ہیں۔ واضح رہے کہ چالیس سے زیادہ ہیلی کاپٹر اس آپریشن میں حصہ لے رہے ہیں۔ تاہم دوسرے ممالک سے امدادی طیارے سامان اسلام آباد پہنچا رہے ہیں اور ان کی پروازوں میں کوئی خلل نہیں پڑا۔

میجر جنرل شوکت سلطان نے کہا تھا کہ گزشتہ ایک ہفتے کے دوران پاکستان میں جاری فضائی آپریشن دنیا کا اپنی نوعیت کا ایک بہت بڑا فضائی آپریشن ہے جس دوران پائلٹس نے روزانہ دس دس گھنٹے پرواز کی ہے۔

	مظفر آباد میں ایک بچی چھتری پکڑے بارش میں کھیل رہی ہے

فوجی ترجمان کا کہنا ہے کہ مظفرآباد میں خاصی مقدار میں امدادی اشیاء موجود ہیں تاہم انہوں نے کہا کہ نیلم اور جہلم وادیوں کی طرف جانے والی سڑکیں بند ہیں اور ان علاقوں میں زمینی راستوں سے امداد نہیں پہنچ پائی۔

انہوں نے بتایا کہ مظفرآباد اور نیلم دونوں اطراف سے فوجی انجنیئر سڑک کھولنے کی کوشش میں مصروف ہیں اور امکان ہے کہ جلد ہی یہ سڑک کھل جائے گی۔

ادھر حکام نے بتایا کہ امریکہ کی تباہی سے متاثرہ علاقوں میں امداد کے متعلق خصوصی ادارے 'DART' کی نو رکنی ٹیم اسلام آباد پہنچ گئی ہے۔

واضح رہے کہ حکام کے مطابق ہلاک ہونے والوں کی تعداد اب اڑتیس ہزار جبکہ زخمیوں کی تعداد باسٹھ ہزار ہوچکی ہے۔ ان کے مطابق پچیس لاکھ افراد بے گھر ہوچکے ہیں اور ان کے لیے نئے مکانات کی تعمیر ناگزیر ہے۔