اعجاز مہر بی بی سی اردو ڈاٹ کام، اسلام آباد

	محکمہ موسمیات کے مطابق چھوٹے چھوٹے زلزلے کے جھٹکے خاصی تعداد میں آچکے ہیں

ان کے مطابق سنیچر اور اتوار کی درمیانی شب بھی تین سخت جھٹکے آئے جن کی شدت پانچ سے چھ کے درمیان ریکارڈ کی گئی ۔ تاہم انہوں نے کہا کہ چھوٹے چھوٹے زلزلے کے جھٹکے خاصی تعداد میں آچکے ہیں لیکن ان میں قابل ذکر بیس ہیں۔

اسلام آباد اور راولپنڈی کے مختلف علاقوں سے موصول ہونے والی اطلاعات کے مطابق کئی لوگوں نے خوف کے مارے گزشتہ رات جاگ کر گزاری۔

جبکہ پاکستان کے زیرانتظام کشمیر، مری، ایبٹ آباد، مانسھرہ سمیت ہزارہ ڈویزن کے علاقوں میں بارش اور سخت سردی کے باوجود بھی لوگوں نے خوف کے مارے اپنے بچے کھچے مکانوں کے بجائے آسمان تلے رات گزاری۔

واضح رہے کہ محکمہ موسمیات نے کشمیر اور صوبہ سرحد سممیت شمالی علاقوں کے متاثرہ علاقوں کے عوام سے اپیل کی تھی کہ وہ مکانوں کے اندر رات گزارنے سے گریز کریں۔

قمرالزمان چودھری کے مطابق اب آئندہ ایک ہفتے تک زلزلے کے جھٹکوں سے اپنی جگہ سے ہٹ جانے والی زمین اصل حالت میں آنے کے لیے مزید زلزلے کے جھٹکے آئیں گے اور توقع ہے کہ ایک ہفتے تک صورتحال معمول پر آجائے گی۔

انہوں نے بتایا کہ اب تک آنے والے زلزلے کے جھٹکوں کے بارے میں ’سیسمک سٹڈیز‘ کی جارہی ہیں اور جیسے جیسے صورتحال تبدیل ہوگی تو عوام کو احتیاطی تدابیر کے لیے مطلع کیا جائے گا۔