ریاض سہیل بی بی سی اردو ڈاٹ کام، کراچی

’تحریک کے لئے کسی بھی مناسب وقت پر پارلیمنٹ چھوڑ سکتے ہیں۔‘

وہ کراچی میں جماعت اسلامی کے مرکز ادارہ نورالحق میں پیر کے روز پریس کانفرنس سے خطاب کر رہے تھے۔قاضی حسین احمد نے کہا کہ تمام قومی رہنماؤں نے اتفاق کر لیا ہے کہ جنرل مشرف اور فوج کو ہمیشہ ہمیشہ کے لئے حکومت سے علحدہ کردیا جائے۔

انہوں نے کہا کہ عوام کو رلیف دینے اور آئین کی پاسداری کے لئے جنرل پرویز مشرف کو ہٹانا ضروری ہے۔انہوں نے کہا کہ جنرل پرویزمشرف کی موجودگی میں وہ اگلے الیکشن میں حصہ نہیں لیں گے۔ اس لئے ضروری ہے کہ جنرل مشرف دونوں عہدے چھوڑ دیں۔

ایم ایم اے کے سربراہ نے کہا کہ اس تحریک کے لئے وہ کسی بھی مناسب وقت پر پارلیمنٹ چھوڑ سکتے ہیں اور بلوچستان اور سرحد حکومتوں سے علحدہ ہو سکتے ہیں۔

انہوں نے امید ظاہر کی کہ اس تحریک میں فوج سے کوئی براہ راست تصادم نہیں ہوگا۔ انہوں نے لوگوں سے اپیل کی کہ وہ جمعہ کے روز اپوزیشن کی اپیل پر ملک گیر ہڑتال میں ساتھ دیں۔