اعجاز مہر بی بی سی اردو ڈاٹ کام، اسلام آباد

وزیراعظم نے ایوان کو یقین دہانی کروائی تھی کہ حکومت اس واقعے میں ملوث پولیس اہلکاروں کے خلاف سخت کارروائی کرے گی

عدالت نے بدھ کو یہ حکم انسانی حقوق کے کارکن ایڈوکیٹ ذوالفقار علی کی دائر کردہ اس درخواست پر دیا ہے جس میں چیف جسٹس سے ازخود کارروائی کرنے کی استدعا کی گئی تھی۔

سپریم کورٹ کے حکم سے پہلےاس واقعہ کا نوٹس لیتے ہوئے وزیراعظم شوکت عزیز نےمنگل کے روز تحقیقات کا حکم دیا تھا اور پنجاب کے آئی جی پولیس نے فیصل آباد کے تھانہ جڑانوالہ کے ایس ایچ اور جمشید چشتی کو معطل کردیا تھا۔

سونیا ناز نامی خاتون نےایک اخباری انٹرویو میں الزام لگایا تھا کہ فیصل آباد کے ایس پی تحقیقات خالد عبداللہ کے حکم پر انہیں ایس ایچ او جڑانوالہ جمشید چشتی نے اغوا کرکے دو ہفتے تک جنسی تشدد کا نشانہ بنایا۔

واضح رہے کےدو بچوں کی ماں تئیس سالہ سونیہ ناز اپنے گرفتار شوہر کوانصاف دلانے کے لیے چند ماہ قبل غلطی سےقومی اسمبلی کےایوان کے اندر داخل ہوکر اراکین اسمبلی کے ساتھ بیٹھ گئیں تھیں اور انہیں بعد میں جیل بھجوایا گیا تھا۔

سونیا ناز کا کہنا ہے کہ وہ جیسے ہی اڈیالہ جیل سے رہا ہوئیں تو انہیں جڑانوالہ تھانے کے ایس ایچ او نے اغوا کرلیا تھا۔

اخبار میں ان کاانٹرویو شائع ہونے کے بعد منگل کو قومی اسمبلی میں جب حزب اختلاف نے یہ معاملہ اٹھایا تھا تو وزیراعظم نے ایوان کو بتایا کہ انہوں نے
اس واقعہ کی تحقیقات کا حکم دے دیا ہے۔

وزیراعظم نے ایوان کو یقین دہانی کروائی تھی کہ حکومت اس واقعے میں ملوث پولیس اہلکاروں کے خلاف سخت کارروائی کرے گی۔