عزیز اللہ خان بی بی سی اردو ڈاٹ کام، کوئٹہ

اس علاقے سے پہلے بھی گولہ بارود پکڑا جا چکا ہے

فرنٹیئر کور کے ترجمان نے بتایا ہے کہ چاغی ملیشیا کے اہلکاروں نے جمعرات کی صبح پاک افغان سرحد سے پانچ کلومیٹر کے فاصلے پر صالحان کے علاقے میں ایک گاڑی سے کوئی گیارہ ہزار کے قریب اینٹی ائیر کرافٹ گن کے گولے برآمد کیے ہیں۔

یہ گاڑی افغانستان سے پاکستان آرہی تھی۔ اس گاڑی کی رہنمائی کرنے والے افراد افغانستان کی جانب فرار ہو گئے ہیں۔

ادھر کوہلو کے علاقے میں نا معلوم افراد نے ایف سی کو چوکی کے قریب دو راکٹ داغے ہیں لیکن کوئی نقصان نہیں ہوا ہے۔

بلوچستان میں پولیس نےگزشتہ دو روز میں پچاس کے لگ بھگ مشتبہ افراد کو گرفتار کیا ہے جن کا تعلق کالعدم تنظیموں سے بتایا گیا ہے۔ انسپکٹر جنرل پولیس چوہدری یعقوب نے بتایا ہے کہ حکومت نے فرنٹیئر کور کو کوئٹہ اور دیگر علاقوں میں تعینات کرنے کے لیے چوکس رہنے کا حکم دیا ہے۔