عدنان عادل بی بی سی اردو ڈاٹ کام، لاہور

10 اکتوبر 2004 کوموچی دروازہ کی شیعہ جامع مسجد میں خود کش دھماکہ ہوا تھا

لاہور کی سی آئی اے پولیس کے ایس پی مسعود عزیز نے بی بی سی کو بتایا کہ ملزم عمران عرف بوبی اس واقعہ کا شریک ملزم ہے اور اسے چند روز پہلے گرفتار کیا گیا تھا اور آج اس کا انسداد دہشت گردی کی ایک عدالت سے ریمانڈ لیا جا رہا ہے۔

دس اکتوبر سنہ دو ہزار چار میں موچی دروازہ کے اندر شیعہ جامع مسجد میں مغربین کی نماز کے وقت ایک شخص نے خود کو دھماکہ خیز مواد سے اڑا لیا تھا جس سے اس شخص سمیت چار افراد ہلاک ہوگئے تھے اور متعدد زخمی ہوئے تھے۔

پولیس کا کہنا ہے کہ اس دھماکہ میں ایک ملزم تو ہلاک ہوگیا تھا لیکن دوسرا شریک ملزم عمران عرف بوبی ہے۔ پولیس ذرائع کے مطابق عمران نےاسلحہ کے استعمال میں افغانستان سے تربیت لی ہے۔