ریاض سہیل بی بی سی اردو ڈاٹ کام، کراچی

تین ٹرینوں کے اس حادثے میں ایک سو چالیس افراد ہلاک ہوگئے تھے۔

انہوں نے یہ بات صوبہ سندھ میں تین ٹرینوں کے تصادم کے مقام سرحد ریلوے اسٹیشن پر معائنہ کے موقع پر کہی۔

تیرہ جولائی کی صبح کو تین ریل گاڑیوں کے ٹکرانے کے نتیجے میں ایک سو چالیس کے قریب افراد ہلاک ہوگئے تھے۔

وزیر اعظم نے وزیر ریلوے اور چیئرمین ریلوے بورڈ کو ہدایت کی کہ ٹرینوں کے حادثے کی رپورٹ انہیں تین دن میں پیش کی جائے۔

اس موقع پر شہباز رینجرز کے کمانڈنٹ کرنل طاہر عزیز نے بریفنگ دی اور وزیر اعظم کو حادثے کے بارے میں معلومات دی۔ شوکت عزیز نے کہا کہ انکوائری روایتی انداز میں نہ کی جائے تاکہ اصل حقائق سامنے آسکیں۔

انہوں نے کہا کہ ریلوے نظام کا باریک بینی سے جائزہ لیا جائے اور یقین دلایا کہ جہاں جہاں اس نظام کو درست کرنے کی ضرورت ہے حکومت پوری مدد کرے گی۔