عدنان عادل بی بی سی اردو ڈاٹ کام، لاہور

پاکستان میں سات سال میں چھیاسٹھ ہزار افراد قتل ہوئے: ایک رپورٹ

اس سے قبل قتل کے بعد پیر کی سہ پہر سینکڑوں لوگوں نےشہر سےگزرنے والی جی ٹی روڈ بند کرکے ٹریفک بلاک کردی تھی۔ ضلعی پولیس کے سربراہ ڈاکٹر جمیل خود نے کہا کہ لوگ منصفانہ تفتیش کا مطالبہ کر رہے تھے اور انہوں نے ملزموں کی گرفتاری کے بعد احتجاج ختم کر دیا۔

سینکڑوں لوگ پوری دوپہر اوکاڑہ کے دیپال پور چوک میں جمع رہے جہاں نوجوان مقتول حافظ عبدالجبار کی لاش بھی رکھی ہوئی تھی۔

اٹھارہ سالہ حافظ قران عبدالجبار اوکاڑہ شہر کے صمد محلہ میں رہتے تھے اور کرمانوالہ مدرسہ میں طالبعلم تھے۔ ان کے بھائی عباس کا کہنا ہے کہ مدرسہ کی انتظامیہ نے عبدالجبار پر الزام لگایا تھا کہ اس نے مدرسہ کے چندہ کے نام پر ڈیڑھ لاکھ روپے جمع کر کے خود رکھ لیے۔

مقتول کے بھائی کے مطابق ایک ہفتہ پہلے مدرسہ کےلوگ اس کے گھر آئے اور مقتول عبدالجبار کو ساتھ لے جا کر مدرسہ میں بند کر دیا۔ ان کے مطابق کل کچھ لوگ جبّار کی لاش ان کے گھر کے پاس چھوڑ کر چلے گئے اور ان سے کہا گیا کہ پولیس کو رپورٹ کی تو انہیں ایسی اور لاشیں ملیں گی۔

محلے کے درجنوں لڑکے اور مقتول کے ورثاء لاش کو لے کر اوکاڑہ کے ضلعی ہیڈکوارٹر ہسپتال لے گئے اور اس کے طبی معائنہ کا مطالبہ کیا تاہم ان کےمطابق ابتدائی طور پر ہسپتال والے طبی معائنہ کرنے سے گریزاں تھے اور صدر پولیس بھی مقدمہ درج کرنے میں تاخیری حربوں سے سے کام لے رہی تھی۔

آج ہسپتال نے بالآخر لاش کا طبی معائنہ کرکے رپورٹ دے دی جس میں کہا گیا ہے کہ لڑکے کے ساتھ جنسی بدفعلی کی گئی، اسے بجلی کے جھٹکے لگائےگئے اور اس پر تشدد کا کیا گیا۔ ورثا کےمطابق جبار کے جسم پر کئی جگہ سے گوشت ادھڑا ہوا ہے۔

تاہم پولیس نے نصف شب کے وقت عبدالجبار کے قتل کا مقدمہ درج کیا جس میں کرمانوالہ کے گدی نشین پیر طیب بخاری کے ساتھی ثنا اللہ اور دو نامعلوم لوگوں کو ملزم نامزد کیا گیا۔ تاہم ورثاء اور مظاہرین پولیس سے کرمانوالہ کے گدی نشین پیر طیب بخاری کا نام بھی ایف آئی آر میں درج کرنے کا مطالبہ کررہے ہیں۔

احتجاج کے دوران مظاہرین نے لاش سڑک پر رکھ کر ٹریفک بند کردی تھی۔ سڑک پر دکانیں اور کاروبار بند ہوگیا تھا۔ مظاہرین نے جگہ جگہ ٹائروں سے آگ لگائی ہوئی اور پولیس کے خلاف نعرے بازی کی۔