حسن مجتبی بی بی سی اردو ڈاٹ کام، نیویارک

	’القاعدہ کو تنہا کرنے کے لیے طالبان کے اعتدال پسند لوگوں سے مذاکرات میں کوئی عار نہیں‘

اوبامہ ، جنہیں امریکہ میں اب تک را‎ئے عامہ کے تمام جائزوں کے مطابق اپنے ریپبلیکن پارٹی کے حریف جان مکین پر سبقت حاصل ہے ، جمعہ کی شام سی این این ٹیلییوژن نیٹ ورک کو انٹرویو دے رہے تھے۔

انہوں نے کہا کہ وہ صدر منتخب ہونے کے بعد طالبان کے اندر سب سے اعتدال پسند دھڑے سے مذاکرات کر سکتے ہیں- انہوں نے کہا کہ ان کے عہدہ صدارت سنبھالنے کے بعد وہ جتنا جلد سے جلد ممکن ہوسکا خلیج گوانتانامو کیوبا کا قید خانہ بند کرنے کا اعلان کریں گے۔

امداد کا کیا ہوا؟  باراک اوبامہ نے کہا کہ وہ حکومت پاکستان سے اس بات پر بھی تعاون چاہیں گے کہ مشرف حکومت کو دی گئی گيارہ بلین ڈالر کی امداد کا کیا ہوا۔ انہوں نے کہا کہ ان کی انتظامیہ پاکستان کو غیر فوجی امداد دے گے جس کی پاکستان کو اپنے لوگوں کی غربت، اور ناخواندگی ختم کرنے کے لیے سخت ضرورت ہے

انہوں نے کہا کہ وہ بش انتظامیہ کی پالیسی کے خلاف ہیں جس میں انہوں نے (صدر بش) ڈکٹیٹر مشرف کی حمایت کی تھی جنہوں نے اپنے لوگوں کے جمہوری حقوق کو پامال کیاہوا تھا-

انہوں نے کہا وہ پاکستان میں موجودہ جمہوری حکومت کی حمایت کرتے ہیں اور عہدہ صدارت سنبھالنے کی صورت میں دہشتگردی کے خاتمے کے لیے ان سے (پاکستان کی موجودہ حکومت سے ) تعاون جاری رہے گا۔

سینیٹر باراک اوبامہ نے کہا کہ وہ حکومت پاکستان سے اس بات پر بھی تعاون چاہیں گے کہ مشرف حکومت کو دی گئی گيارہ بلین ڈالر کی امداد کا کیا ہوا۔ انہوں نے کہا کہ ان کی انتظامیہ پاکستان کو غیر فوجی امداد دے گے جس کی پاکستان کو اپنے لوگوں کی غربت، اور ناخواندگی ختم کرنے کے لیے سخت ضرورت ہے۔

انہوں نے کہا کہ افغانستان اور پاکستان کے مخصوص حالات میں وہ طالبان کے اندر سب سے معتدل گروہ سے مذاکرات کرنے کو تیار ہونگے کیونکہ امریکہ کا اول دشمن القاعدہ ہے۔ انہوں نے کہا کہ منتخب ہونے پر وہ اسامہ بن لادن کو ہر حال میں پکڑیں گو اور ضروری ہوا تو ان پر سزائے موت کا اطلاق کریں گے۔

انہوں نے کہا کہ وہ عراق اور افعانستان میں امریکی افواج کےکمانڈر جنرل ڈیوڈ پیٹریئس کی تجویز سے متفق ہیں کہ طالبان کے اندر اہم لیکن سب سے اعتدال پسند گروپ سے مذاکرات کیے جاسکتے ہیں۔

سینیٹر باراک اوبامہ نے کہا کہ امریکہ کی سلامتی کو سب سے بڑا خطرہ القاعدہ سے ہے اور القاعدہ کو تنہا کرنے کے لیے طالبان کے اعتدال پسند لوگوں سے مذاکرات میں کوئی عار نہیں۔

سینیٹر باراک اوبامہ نے کہا کہ وہ امریکہ کی صدارت کے عہدہ سنبھالنے کی تقریب کے بعد جتنا جلد ممکن ہوسکا خلیج گوانتانامو کا امریکی قید خانہ ختم کر دینے کا اعلان کریں گے، لیکن انہوں نے کہا اس سے پہلے وہ وہاں قید تمام لوگوں کے مقدمات کا جائزہ لیں گے اور جو مبینہ دہشتگرد ہونگے انہیں کیفر کردار تک پہنچانے کیلیے دوسری عدالتوں میں ان پر مقدمے چلائے جائيں گے۔