ڈینیل کریگ فلم سیلویا میں ایک شاعر کا کردار ادا کر کے مشہور ہوئے

ورائٹی کے مطابق مقابلے میں چار اداکار شامل ہیں۔ان میں ’لیر کیک‘ کے اداکار ڈینیل کریگ، بائیس سالہ ہینری، گوران اور آسٹریلوی سیم ورتھنگٹن شامل ہیں۔

جیمز بانڈ کی اکیسویں فلم’ کیسینو رویل‘ آئن فلیمنگ کے پہلے ناول پر مبنی ہوگی اور اس کی نمائش اگلے سال ہوگی۔

فلمساز جیمز بانڈ کے کردار کے لیے پیئرز بروسنن سے کم عمر اداکار کی تلاش میں ہیں۔

مصنف پال ہیگس نے ہالی وڈ رپورٹر کو بتایا کہ وہ جیمز بانڈ کو نئی صورت دینے کی کوشش کر رہے ہیں جو کے اٹھائیس سال کا ہے اور اس کے ساتھ نہ ہی ’قیو‘ ہوں گے اور نہ ہی ان کے برقی کھلونے۔

سینتیس سالہ ڈینیل کریگ، فلم سیلویا میں گونتھ پالٹرو کے مدمقابل ایک شاعر کا کردار ادا کر کے مشہور ہوئے۔

نکول ِکڈمین کے ساتھ ان کی فلم ’دی ویزٹنگ‘ اور 1972 کے اولمپکس کی خون ریزی کے متعلق سٹیون سپیلبرگ کی فلم ’میونخ‘ کی نمائش جلد ہونے والی ہے۔

انتیس سالہ سیم ورتھنگٹن، فلم ’سومرسولٹ‘ میں اپنے کردار کی وجہ سے مشہور ہوئے اور آسٹریلین فلم انسٹیٹیوٹ کا ایوارڈ حاصل کیا۔

کروایشیائی اداکار گوران، امریکی سیریل ای آر میں ڈاکٹر لوکا کا کردار ادا کرتے ہیں اور ’الیکٹرا‘ جیسی فلموں میں کردار ادا کر چکے ہیں۔

ِجرسی کے ہنری ’دی کاؤنٹ آف مونٹی کرسٹو‘ جیسی فلموں میں کردار ادا کر چکے ہیں۔

جیوڈ لاء، ہیو جیکمین، اور کلائیو اوین جیسے کئی اداکاروں کا نام فلم ’ کیسینو رویل‘ میں جیمز بانڈ کے کردار سے منسوب ہوتا رہا ہے۔

جیمز بانڈ کی فلمساز کمپنی کے ترجمان تبصرہ کرنے کے لیے موجود نہیں تھے۔