حسن مجتبی سان ڈیاگو، کیلیفورنیا

	بل کلنٹن انڈیا میں ایڈز کے مریض بچوں سے مل رہے ہیں

یکم دسمبر یا ورلڈز ایڈز ڈے ہالی ووڈ کے ادکار راک ہڈسن سے لیکر لاڑکانہ کے لالہ بشیر تک ان مردوں اور عورتوں اور بچوں سمیت دنیا کے ان لاکھوں انسانوں کو یاد کرنے کا ہے جو ایڈز کی تاریک گلیوں میں مارے گئے۔ سان فرانسسکو سے لیکر سونا گاچي (کلکتہ) اور میکسیکو سے مبمئی تک ایسے انسانوں کی یاد میں شمعیں جلی ہیں۔ اور میں نے دیکھی ہے وہ کئي ہزار فٹ لبمی رنگ برنگي ’کوئلٹز‘ جو ایڈز میں مرجانے والوں کی یاد میں سان فرانسسکو اور امریکہ کے کئي شہروں میں بچھائي جاتی ہیں جن پر ایڈز جیسے مہلک مرض میں مرجانیوالوں کے نام لکھے ہوتے ہیں-

مجھے اسوقت وہ شخص بھی یاد آرہا ہے جو مجھے شکاگو کی ہالسٹیڈ اسٹریٹ پر ملا تھا۔ یہی رات اور یہی زمانہ تھا ( کرسمس کے قریب کا) اور ہم ایک ایسےچرچ میں کیرول سننے گئے تھے جہاں کئي ہم جنس جوڑے بانہوں میں بانہیں ڈال کر گیت گا رہے تھے۔ شام ہونے لگی تھی اور وہ یہ کہہ کر ’تمہیں شاید معلوم نہیں مجھے ایڈز ہے‘ اندھیری گلی میں مڑ گیا تھا۔

لیکن ایسے کروڑہا لوگ اب بھی ہونگے جو اس مہلک بیماری میں افریقہ اور ایشیا میں ہر روز وشب خاموشی سے درد سہہ کر مر رہے ہیں یا مرنے کا انتظار کر رہے ہیں۔ بڑی چھوٹی این جی اوز، سرکاری ادارے اور افسر، محقق اور اسکالر ایڈز کے نام پر کروڑہا ڈالر ہضم کر کے رسید بھی نہیں چھوڑتے لیکن ایڈز کے متعلق بیماری کا علاج تو درکنار اسکے بارے میں آگہی اور صحیح اعداد شمار بھی ہمارے جیسے ملکوں میں آج بھی گناہ کبیرہ ٹھہرا ہے۔

ہمارے جیسے ملکوں کی حکومتیں اور غیر سرکاری ادارے بس صرف ایڈز سے اتنے ہی آشنا ہیں کہ یہ مہلک مرض اقوام متحدہ سمیت بین الاقوامی برادری کے ڈونر ایجنڈا پر ہے۔

	پاکستان جیسے معاشرے میں کئی لوگ کنڈوم استعمال کرنا ’مردانگی‘ نہیں سمجھتے

بس اتنا پتہ ہے  ہمارے جیسے ملکوں کی حکومتیں اور غیر سرکاری ادارے بس صرف ایڈز سے اتنے ہی آشنا ہیں کہ یہ مہلک مرض اقوام متحدہ سمیت بین الاقوامی برادری کے ڈونر ایجنڈا پر ہے

اور تو اور فوج جیسے منظم اور نظم و ضبط والے ادارے میں بھی اسطرح کے کوئی اعداد شمار نہیں اور نہ ہی بار بار غیر ملکی ہیوی ڈیوٹی دینے والی افواج میں ایڈز کے متعلق آگہی اور اسکے انسداد کےمتعلق کوئی تعلیم اور تفصیل موجود ہے، اور نہ ہی پاکستان کے دینی مدارس ہوں کہ اسکول یا نام نہاد ریڈ لائیٹ برادری کہیں بھی اس پر کوئی کام موجود ہے۔

مجھے کراچی کا وہ پڑھا لکھا پارسی نوجوان یاد ہے جو اپنی ہم جنس برادری کے لوگوں میں ایڈز اور سیفر سیکس کے متعلق معلومات اور کنڈوم تقسیم کیا کرتا تھا۔ وہ شاید مسلمانوں کے پاکستان میں ایڈز کے خلاف واحد اور تنہا رینجر تھا۔

کراچي کے متمول اور متوسط گھروں سے تعلق رکھنے والے یہ لوگ شام ہوتے ہی ایک پبلک پارک میں ملا کرتے جس پبلک پارک کو میں اور میرے ایک دوست نے ’آسکروائلڈ پارک‘ کا نام دیا تھا۔ میں نے انڈیا کا مشہور گے میگزین ’بامبے دوست‘ بھی پہلی بار ان نوجوانوں کی توسط سے دیکھا۔

	ہندوستان میں ایڈز کے متعلق آگہی کا ایک پوسٹر

دادو ضلع میں میں کوئلے کی کانوں کے مزدور جن میں اکثریت سرحد صوبہ سے تعلق رکھتی تھی ایک ہی کوارٹر میں رہتے تھے۔ ان کے بیمار ہونے پر وہاں کی ایک نام نہاد ڈسپنسری میں ایک ہی سرنج مختلف مریضوں کو لگائي جاتی تھی۔

’میں آج تک ساٹھ عورتوں کیساتھ سو چکا ہوں؟‘ ایک صحافی دوست نے مجھے گنتی کرتے ہوئے بتایا۔ ’کیا تم نے غبارہ استعمال کیا؟‘ میں نے اس صحافی دوست سے پوچھا- ’نہیں ۔ میں بھی صحتمند ہوں اور وہ بھی ماشا اللہ صحتمند اور خوبصورت تھیں‘، میرے صحافی دوست نے کہا۔

’میں نے اپنے پارٹنر کو استعمال کرنے کیلیے کنڈوم دیا۔ اس نے اسے منہ سے پھونک کر غبارہ بنایا اور پھر مکہ مار کر اسے پھاڑ دیا‘، کراچی میں مجھے ایک جنسی کارکن نے بتایا تھا۔

’میں جنسی فعل کے دوران تین غبارے پہنتا ہوں‘، میرے ایک اور دوست نے مجھ سے کہا تھا۔ جیسے وہ جسم پر زرہ پہننے کی بات کررہا ہو۔

غبارہ پہننا شاید ’مرد‘ کی نشانی نہیں سمجھی جاتی اور حال ہی میں لاہور کی جنسی کارکنوں کے بیچ وقفوں سے پانچ سال رہ کر کام کرنیوالی برطانوی اینتھروپولوجسٹ لوسی براؤن نے اپنی کتاب

زیادہ پیسے لے لو  جنسی کارکن کو اگر کسی گاہک کو کنڈوم استعمال کرنے پر اصرار بھی کرتی تو وہ ان کو زیادہ پیسے دیکر بغیر کنڈوم کے ہی سیکس کا کہتا ہے اور بہت سی طوائفیں سمجھتی ہیں کہ وہ گندی اور بیمار تھوڑی ہی ہیں جو کنڈوم استعمال کریں ڈانسسنگ گرلز آف لاہور

اب کا مجھے نہیں معلوم لیکن کچھ سال قبل اسلام آباد میں جنسی کارکنوں کے کام کا کہتے ہیں ریٹ بڑھ جاتا تھا یا پھر جنسی کارکنوں کی قلت ہوجاتی تھی جن دنوں میں پارلیمان کا اجلاس ہو رہا ہوتا تھا۔

لیکن اس میں کوئی شک نہیں کہ ایڈز اور سیف سیکس کے متعلق امیر ہوں کہ غریب، پیر ہوں کہ فقیر سب زیرو کا علم رکھتے ہیں-

برصغیر ہو کہ برا‏عظم افریقہ یا بہت سے کیسوں میں یورپ اور امریکہ میں بھی ایڈز کے مریضوں کے ساتھ ایسا سلوک کیا جاتا ہے جیسا بدقسمتی سے کبھی لیپرس سے کیا جاتا تھا کہ جیسے ایڈز کوئی نام نہاد چھوت کی بیماری ہو اورجو اسکے مریضوں سے ملنے اور ہاتھ ملانے یا ان سے گلے ملنے سے لگ جائے گي۔

پاکستان میں تو ایڈز کے مریضوں کو ہسپتالوں کی آئسولیشن وارڈز میں رکھا جاتا تھا جیسے وہ کسی پاگل کتے کے کاٹے ہوئے ہوں۔ جیلوں میں قیدی مریضوں کی حالت اور بھی بدتر بتائی جاتی ہے-

دنیا میں جنگوں پر جتنی رقم خرچ کی جا رہی ہے اگر اسکی آدھی بھی انڈیا اور پاکستان سمیت ایشیا اور افریقہ میں ایڈز پرخرچ کی جائے تو ایڈز کے کئي دفعہ تمام مریض ٹھیک ہو سکتے ہیں۔ یہ جو مولوی اپنے خطبوں میں مخالف فرقوں اور دوسرے مذاہب والوں سے ’جہاد‘ کا وعظ فرماتے رہتے ہیں اگر یہ جہاد ایڈز کیخلاف کریں تو کیا بات ہے۔ شاعر حضرات کو بھی آجتک ’وصل کی راحت کے سوا‘ کچھ نظر نہیں آتا- افتی نسیم شاید اردو کے پہلے شاعر ہیں جنہوں نے ایڈز کے شکار لوگوں اور ایڈز پر شاعری کی ہے۔ ہندستان کے اشوک رائے کوی اور شیوانندا خان اور انکی ناز فاؤنڈیشن شاید ايڈز پر آگہی اور اسکے خلاف جنگ کے بڑے نام ہیں۔

امریکہ صرف ڈونالڈ رمسفیلڈ کا نام نہیں لیکن بل گیٹس انکی اہلیہ میلنڈا اور بل کلنٹن بھی ہیں جو انڈیا میں ایڈز کے سستے علاج اور ادویات اور افریقہ میں اسکے انسداد کیلیے نہایت ہی سرگرم ہیں۔ اور کسی نے کہا امریکہ انجلینا جولی بھی تو ہے۔