عارف وقار بی بی سی اردو ڈاٹ کام، لاہور

آج کی نشست میں ہم، خیال کی مختلف اِکائیوں کو ملا کر ایک مرکب جملہ بنانے کے طریقوں پر غور کریں گے۔

ذیل میں دئیے گئے جملوں پر توجہ فرمائیں:

Jameela heard a noise behind her
jameela did not want to turn around

چھوٹے بچوں کی کتابوں میں ایسے جملے عام پائے جاتے ہیں لیکن ایک خاص عمر کے بعد بچے بھی اسطرح کے چھوٹے چھوٹے مُفرد جملوں سے اُکتا جاتے ہیں اور پڑھنے والے کی اُکتاہٹ دُور کرنے کے لئے ضروری ہے کہ تمام جملے ایک ہی ساخت کے اور ایک ہی طوالت کے نہ ہوں بلکہ اُن میں ایک تنّوع یعنی ورائیٹی ہو اور چھوٹے چھوٹے جملوں کو حروفِ ربط کے ذریعے آپس میں جوڑ دیا جائے۔
انگریزی میں یہ حروفِ ربط Conjunctions کہلاتے ہیں۔ مثلاً یہ الفاظ:

AND – BUT – SO – BECAUSE
اگر ہم اوپر والی مثال کے ذریعے دونوں جملوں کو ملانا چائیں تو ہمیں اُن کو جوڑنے کے لئے ایک حرفِ ربط کی ضرورت ہو گی اور مرکب جملے کی شکل یوں ہو جائے گی:

Jameela heard a noise behind her but she did not want to turn around.یعنی جمیلہ نے اپنے پیچھے کچھ شور سنا لیکن وہ مُڑ کر نہیں دیکھنا چاہتی تھی۔

آپ نے غور کیا ہو گا کہ ہم نے دونوں چھوٹے جملوں کو ایک حرفِ ربط but کے ذریعے ملا دیا ہے۔

اسی مثال کو آگے بڑھاتے ہوئے ہم اِس میں خیال کی ایک اور اکائی کا اضافہ کرتے ہیں:

Jameela kept on walking

اگر یہ بات بھی ہم اپنے جملے میں شامل کرنا چاہیں کہ جمیلہ بدستور چلتی رہی تو انگریزی جملے کی شکل کچھ یوں ہو جائے گی:

Jameela heard a noise behind her but she didn’t want to turn around so she kept on walking.
آئیے اب ایک اور مثال دیکھتے ہیں:

The children were hungry
The children ate their lunch
ان دونوں جملوں کو ملا کر ایک مختصر اور بہتر جملہ بنایا جا سکتا ہے اور اس عمل میں ہمارے حروفِ ربط مدد کو آئیں گے۔

آپ نے ابھی ابھی انگریزی کے چار حروفِ ربط یعنی Conjunctions سے شناسائی حاصل کی ہے یعنی:

AND – BUT – SO – BEFORE

اب بھوکے بچوں والے دو مفرد جملوں کو ملانے کے لئے انہی میں سے کوئی Conjunction استعمال کیجئے... جی ہاں آپ کا اندازہ ٹھیک ہے۔
The children were hungry so they ate their lunch.

اب آپ کی مشق کے لئے کچھ مفرد جملے دئیے جا رہے ہیں۔
آپ انہیں مناسب حروفِ ربط کے ذریعے ملا کر مرکب جملوں میں تبدیل کیجئے۔ فی الحال وہی حروفِ ربط استعمال کیجئے جن کا ہم نے ذکر کیا ہے یعنی:

AND – BUT – SO – BECAUSE

He dug in the garden
He found an old box

She was sick
She called the doctor

I’m not going to my office today
My brother is coming from London

He was not very strong
He could not lift the stone
He refused to do it.

Akhtar is a very rich man
He doesn’t help any body
You shouldn’t go to him

مفرد جملوں کو ملاتے ہوئے بعض اوقات کچھ لفظ تبدیل بھی کرنے پڑتے ہیں تاکہ ایک خوبصورت اور جامع مرکب جملہ وجود میں آسکے۔ لیکن اِس موضوع پر ہم اگلی نشست میں بات کریں گے۔