پاکستان کی سابق کھلاڑی نازو شکور کی باتیں

میرے والدین کا تعلق انبالہ سے ہے۔ میرے والد سید شکور احمد ہاکی کھیلا کرتے تھے۔ تقسیم سے قبل ان کے پاس ہندوستان کا کلر تھا۔ یہ والدین کا اعتماد اور تعاون تھا کہ میں ٹیبل ٹینس میں آگے بڑھ سکی۔

میری بہنیں روبینہ ناخدا اور سیما کلیم اللہ بھی اپنے دور میں ٹیبل ٹینس کی بہترین کھلاڑی تھیں۔ بچپن میں ان کو کھیلتے دیکھ کر ہی مجھے ٹیبل ٹینس کھیلنے کا شوق پیدا ہوا۔

دس یا گیارہ برس کی عمر میں مجھے یونائیٹڈ بینک کی نوکری مل گئی۔مجھے یاد ہے کہ جب مجھے پہلی دفعہ تنخواہ کا دو سو پچھتر روپے کا چیک ملا تو مجھے بہت خوشی ہوئی تھی۔ کچھ عرصے بعد میں نے حبیب بینک میں ملازمت اختیار کر لی تھی۔

اپنی پیشہ ورانہ زندگی کے دوران میں نے کئی ممالک کے سفر کئے ہیں۔ مجھے مشرق بعید بہت اچھا لگا۔ یہاں کے لوگوں کا مزاج بہت ٹھنڈا ہے۔ بھارت میرا پسندیدہ ملک ہے۔ بھارت میں مجھے بہت عزت ملی، اس لئے وہاں مجھے اجنبیت کا احساس نہیں ہوتا۔

ہمارے ملک میں ٹیلنٹ کی کمی نہیں لیکن اکثر کھلاڑی یہ شکایت کرتے ہیں کہ فلاں شخص بے ایمانی کر کے کھلاڑی بن گیا۔ افسران کھلاڑیوں کے نام پر بیویوں کو دوسرے ممالک کے دورے پر لے جاتے ہیں۔اگر کوئی کھلاڑی حق کے لئے آواز بلند کرے تو اس کو باہر بٹھا دیا جاتا ہے۔

مجھے غریبوں کی مدد کر کے ذہنی سکون ملتا ہے۔ میں جسمانی طور پر معذور بچوں کے لئے ایک فلاحی ادارہ قائم کرنا چاہتی ہوں۔ مجھے تعصب سے شدید نفرت ہے۔ اگر میرے بس میں ہوتا تو اس پر پابندی عائد کر دیتی۔ میں دوغلے قسم کے لوگوں میں کبھی ایڈجسٹ نہیں کر سکتی۔

میں کھانے پینے کی بہت شوقین ہوں خصوصاً میٹھا تو میں چھوڑ ہی نہیں سکتی۔

سچے خواب  میرے خواب اکثر سچے ثابت ہوتے ہیں۔جو کچھ میرے ساتھ ہونے والا ہوتا ہے وہ مجھے خواب میں دس پندرہ روز قبل نظر آ جاتا ہے۔

میرے خواب اکثر سچے ثابت ہوتے ہیں۔جو کچھ میرے ساتھ ہونے والا ہوتا ہے وہ مجھے خواب میں دس پندرہ روز قبل نظر آ جاتا ہے۔

اللہ تعالی نے مجھے بہت نوازا، عزت، دولت اور شہرت بھی دی۔ میں نے اپنے زمانے میں خوب ٹیبل ٹینس کھیلی لیکن آج بھی ہاتھ میں ریکٹ تھامنے کو دل کرتا ہے۔