نرگس کاکڑ گیارہ سالہ افغان اتھلیٹ

نرگس کاکڑ، گیارہ سالہ افغان اتھلیٹ

’’آج سے تین برس پہلے تک میرا گھر ہی میرے لئے سب کچھ تھا۔ میرا اسکول، میرا کھیل کا میدان اور تفریح کی جگہ سب کچھ میرےگھر کی چار دیواری تھی۔ اور میں اپنے گھر میں ایک قیدی تھی۔ لیکن میرا ملک اب میری اور میری طرح کی تمام بچیوں کے لئے بہت کچھ کرنے کا ارادہ رکھتا ہے۔

اب میں اپنی مرضی سے اپنے شہر میں گھوم پھر سکتی ہوں۔

نئی صبح  میری بہنوں نے اپنا بچپن، گلیوں میں اپنی سہلیوں کے ساتھ کھیل کر نہیں، اپنے گھر میں بند ہو کر گزارا اور اُنہیں اب جب ہم گھر سے باہر جانے کو کہتے ہیں تو وہ سہم سی جاتی ہیں۔ نرگس کاکڑ

اب میں بڑی ہو رہی ہوں اور جب مجھے میری بڑی بہنیں اپنے بارے میں بتاتی ہیں کہ اُنہوں نے طالبان کے دور میں کیسے وقت گزارا تو مجھے احساس ہوتا ہے کہ میں کس قدر خوش نصیب ہوں۔

میری بہنوں نے اپنا بچپن، گلیوں میں اپنی سہلیوں کے ساتھ کھیل کر نہیں، اپنے گھر میں بند ہو کر گزارا اور اُنہیں اب جب ہم گھر سے باہر جانے کو کہتے ہیں تو وہ سہم سی جاتی ہیں۔

میں نے ان سیف گیمز میں ’سو میڑ‘ ریس میں حصّہ لیا، کوئی میڈل تو میرے حصّہ میں نہیں آیا لیکن میرے لئے سب سے بڑا میڈل آزادی ہے، جو دنیا کی سب بڑی چیز ہے۔ اسی آزادی کے سبب میں اب دنیا دیکھ رہی ہوں اور دنیا مجھے۔

ہمارے ملک میں گراؤنڈز نہیں ہیں اور سہولیات بھی نہ ہونے کے برابر ہیں پھر بھی ایک جذبہ ہے آگے بڑھنے کا اور ہم سب مل کر محنت کریں گے۔

میرا میڈل  میں نے ان سیف گیمز میں ’سو میڑ‘ ریس میں حصّہ لیا، کوئی میڈل تو میرے حصّہ میں نہیں آیا لیکن میرے لئے سب سے بڑا میڈل آزادی ہے، جو دنیا کی سب بڑی چیز ہے۔ اسی آزادی کے سبب میں اب دنیا دیکھ رہی ہوں اور دنیا مجھے۔ نرگس کاکڑ

زندگی اور رہن سہن کا انداز اب ہمارے ملک میں بدل رہا ہے، میں نےچند برس پہلے اخبار کے ٹکڑے پر ایک بچی کو بغیر سر ڈھانپے دیکھا جس کے بال بہت خوبصورت تھے تو میرے دل خیال آیا کہ کیا میں بھی کبھی اُس لڑکی کی طرح بغیر سر اور منہ کو ڈھانپے اپنےگھر سے باہر آ سکوں گی، لیکن جب اپنے اردگِرد کے ماحول کو دیکھا تو مایوس سی ہو گئی تھی۔ کیونکہ طالبان دورِ حکومت میں اس
بات کا تصّور بھی ناممکن تھا۔

میں نے یہاں پاکستان میں بہت اچھے دن گزارے ہیں، یہاں بچوں کو بہت سہولیات میسر ہیں، ہمارے لئے تو اُن کا تصور بھی ممکن نہیں۔ میرے والدین اور میرا ملک ابھی اس حالت میں نہیں کہ مجھے وہ سب کچھ دے سکیں جو ہم جیسے دوسرے بچوں کے پاس ہے۔ بس میری دُعا ہے کہ ہمیں اپنی مرضی سے زندگی گزارنے کا حق ملا رہے۔‘

نوٹ: نرگس کاکڑ نے اسلام آباد میں ہمارے نمائندے محمد اشتیاق سے گفتگو کی۔