 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
کشمیر: ہڑتال اور سیکورٹی پابندیاں | ||||||||||||||||||||||||||||||||||||||||
ہندوستان کے زیر انتظام کشمیر کے شمالی قصبہ سوپور میں اکیس فروری کی شام فوج کی فائرنگ سے دونوجوانوں کی ہلاکت کے خلاف بدھ کو پوری وادی میں ہڑتال کی کال دی گئی ہے۔ وہیں حکومت نے بارہمولہ، سوپور اور سرینگر کے بیشتر علاقوں میں غیر اعلانیہ کرفیو نافذ کردیا۔ اس دوران سخت ترین سیکورٹی پابندیوں کی وجہ سے عوام کو مشکلات کا سامنا کرنا پڑا ہے۔جبکہ میراواعظ عمر فاروق اور دیگر راہنماؤں کو گھروں میں ہی نظر بند کیا گیا ہے۔ واضح رہے پچھلے پانچ روز سے بارہمولہ، سوپور، سرینگر اور دوسرے مقامات پر مظاہرین اور پولیس و نیم فوجی اہلکاروں کے درمیان تصادم ہوا ہے، جن میں پولیس کے مطابق اب تک کئی پولیس اہلکاروں سمیت کم از کم ساٹھ افراد زخمی ہوچکے ہیں۔ ہڑتال کی کال سید علی گیلانی کی سربراہی والی حریت کانفرنس نے دی تھی جبکہ میرواعظ عمر فاروق نے اس سلسلے میں عوام سے اپیل کی تھی کہ وہ سوپور جاکر اجتماعی فاتح خوانی میں شرکت کریں۔ پولیس کے ایک سینئر افسر نے بی بی سی کو بتایا ’ منگل کی شام صوبائی انتظامیہ اور پولیس کے درمیان میٹنگ ہوئی جس میں امن و قانون کی صورتحال کا جائزہ لیا گیا اور فیصلہ کیا گیا کہ بدھ کو چونکہ ہلاک ہونے والے جوانوں کا رسم چہارم ہوگا اور کچھ عناصر گڑ بڑ پھیلانے کی کوشش کرینگے، لہٰذا عوامی اجتماعات پر پابندی عائد کی جائے۔‘ بارہمولہ اور سوپور کے مقامی لوگوں نے بتایا کہ سرینگر اور ان قصبوں کو ملانے والی شاہراہوں پر خاردار تاریں بچھا دی گئی ہیں جبکہ اندرونی بستیوں میں بھی رکاوٹیں کھڑی کردی گئی ہیں۔
میرواعظ عمر فاروق نے بی بی سی کو فون پر بتایا’ نوجوانوں کو بلااشتعال فائرنگ میں مارنا، اور پھر تعزیتی اجلاس پر پابندی، بلا اعلان کرفیو اور لیڈروں کی گھروں میں نظربندی اس بات کا ثبوت ہے کہ کشمیر میں کچھ نہیں بدلا۔ کہنے کو منتخب سرکار ہے لیکن حربے وہی ہیں جو گورنر راج میں تھے۔ اس سب کے بھیانک نتائج نکل سکتے ہیں۔ لوگ پھر سڑکوں پر آئینگے۔‘ واضح رہے صوبائی وزیراعلیٰ عمرعبداللہ نے اس حوالے سے ضلع مجسٹریٹ کو پہلے ہی حکم دیا ہے کہ وہ پندرہ روز کے اندر اندر معاملہ کی تفتیشی رپورٹ پیش کریں۔ فوج اور پولیس نے بھی اپنی اپنی سطح پر بھی تفتیش شروع کردی ہے۔ شمالی کشمیر کے ڈی آئی جی مسٹر میر کا کہنا ہے’ابھی تو تفتیش بہت سُست رفتار سے جاری ہے، کیونکہ پہلی ترجیح امن و قانون ہے۔ بدھ کو امن قانون کے بگاڑ کا خدشہ ہے، لیکن فی الوقت حالات قابو میں ہیں، اور کافی تعداد میں پولیس اور نیم فوجی عملے کو تعینات کیا گیا ہے۔‘ مظاہروں کا یہ تازہ سلسلہ ایک ایسے وقت میں دوبارہ شروع ہوگیا ہے جب کانگریس اور نیشنل کانفرنس کی نئی مخلوط حکومت کو بنے ابھی صرف سات ہفتے ہوئے ہیں اور بدھ کو عمرعبداللہ کی حکومت جموں میں جاری اسمبلی کے بجٹ اجلاس کے ساتھ مصروف ہے۔ |  اسی بارے میں  فوج کی فائرنگ سے دو ہلاک 21 February, 2009 | انڈیا چار شدت پسند اوردو فوجی ہلاک29 January, 2009 | انڈیا توہین قرآن کی غلط فہمی اور احتجاج08 February, 2009 | انڈیا مقبول بٹ، تشدد یا عدم تشدد کاہیرو؟10 February, 2009 | انڈیا ’پاکستان، امریکہ ہند دباؤ میں آ گیا‘12 February, 2009 | انڈیا ’کشمیرہولبروک ایجنڈے پر نہیں‘ 07 February, 2009 | انڈیا کشمیر میں زلزلے کی پیشن گوئی21 February, 2009 | انڈیا تنخواہوں میں اضافہ کےلیے ہڑتال16 February, 2009 | انڈیا | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
