چھتیسگڑھ میں انتخابات سے قبل سکیورٹی کے زبردست انتظامات کیے گئے ہیں

اس کے ساتھ ملک کی چھ ریاستوں میں اسمبلی انتخابات کے عمل کی باقاعدہ شروعات ہوجائے گی۔

چھتیس گڑھ کی انتالیس سیٹوں کے لیے کل تین سو اناسی امیداور میدان میں ہیں۔ ریاست میں اسمبلی کی کل نوے نشستیں ہیں۔ باقی اکاون سیٹوں پر دوسرے مرحلے میں بیس نومبر کو پولنگ ہوگی۔

چھتیس گڑھ کے کئی اضلاع ماؤ نوازوں کی تحریک سے متاثر ہیں اس لیے انتخابات کے لیے سکیورٹی کے سخت انتظامات کیے گیے ہیں۔ اس مرحلے میں قبائیلیوں والے بستر کے علاقے میں بھی ووٹ پڑنے ہیں جہاں ماؤنوازوں کی سرگرمیاں زور شور سے چلتی رہی ہیں۔

چھتیس گڑھ کی پڑوسی ریاست مدھیہ پردیش میں پولنگ پچیس نومبر کو ہوگي اور یہاں انتخابات ایک ہی مرحلے میں ہوجائیں گے۔

انتیس نومبر کو دلی اور میزورم کی اسمبلی انتخابات کے لیے ووٹ ڈالے جائیں گے جبکہ راجستھان میں چار دسمبر کو ووٹ ڈالے جائیں گے۔

تمام ریاستوں میں انتخابی مہم زور شور سے جاری ہے۔ ان انتخابات میں سب سے زیادہ توجہ مدھیہ پردیش، چھتیس گڑھ اور راجستھان پر ہے۔

تمام ریاستوں میں ووٹوں کی گنتی آٹھ دسمبر کو ہوگی اور الیکٹرانک ووٹنگ مشینوں کے استعمال کی وجہ سے چند ہی گھنٹوں میں نتائج حاصل ہوجائیں گے۔