ملائم سنگھ کے دورِ حکومت میں تقریباً بائیس ہزار پولیس اہلکار میں بھرتی کیےگئے تھے

اس سے قبل ساڑھے چھ ہزار پولیس ملازمین برخاست کیےگئے تھے۔ برخاست ہونے والوں میں آئی پی ایس رینک کے افسر بھی شامل ہیں۔ برخاست کیے گئے تمام اہلکاروں کی بھرتی ملائم سنگھ یادیو کے دور حکومت میں ہوئي تھی۔

حکام کا کہنا ہے ابھی اس معاملے میں مزید تفتیش جاری ہے اور امکان ہے کہ تقریباً ایک ہزار مزید پولیس اہلکار برخاست کیے جائیں۔ ریاست کے داخلہ سیکرٹری جے این چیمبر نے لکھنؤ میں ایک پریس کانفرنس میں بتایا کہ بھرتی میں بدعنوانی کے مرتکب چھ سینئر اہلکاروں کو بھی معطل کر دیا گيا ہے اور ان کے خلاف مقدمہ چلایا جائے گا۔

ذمہ داران معطل  بھرتی میں بدعنوانی کے مرتکب چھ سینئر اہلکاروں کو بھی معطل کر دیا گيا ہے اور ان کے خلاف مقدمہ چلایا جائے گا سیکرٹری داخلہ

مایا وتی نے وزیر اعلیٰ کا عہدہ سنبھالتے ہی اعلان کیا تھا کہ اس سلسلے میں بےضابطگیوں کے جو بھی ذمہ دار ہونگے ان کے خلاف تفتیش کے بعد کارروائی کی جائےگی۔