شکیل اختر بی بی سی اردو ڈاٹ کام، دلی

	پندرہ برس میں کمیشن کی مدت میں چالیس بار توسیع ہوئی

یہ کمیشن چھ دسبمر انیس سو بانوے کو ہندو انتہا پسندوں کے ایک ہجوم کے ہاتھوں بابری مسجد کے انہداہم کے پندرہ دنوں بعد قائم کیا کيا گیا تھا۔

داخلی امور کے وزیرِمملکت شری پرکاش جیسوال نے راجیہ سبھا میں ایک تحریری جواب میں بتایا کہ لبراہن کمیشن اپنی مقررہ مدت اکتیس اگست تک اپنی رپورٹ پیش کردے گا۔ انہوں نے کہا کہ کیمشن کی مدت میں اب مزید توسیع نہيں کی جائے گي۔

جسٹس منموہن سنگھ لبراہن کی سربراہی میں اس کمیشن کو اپنی رپورٹ چھ مہینے ميں پوری کرنی تھی لیکن رپورٹ اب پندرہ برس بعد پیش کیے جانے کی توقع ہے۔ پندرہ برس میں کمیشن کی مدت میں چالیس بار توسیع کرنی پڑی ہے۔ اور حکومت نے اس پر تقریبا سات کروڑ سترہ لاکھ روپے خرچ کیے ہيں۔

لبراہن کمیشن نے سو سے زیادہ گواہوں اور متعلقہ لوگوں کے بیانات قلمبند کیے ہيں۔ کمیشن کے سامنے سابق وزیر اعظم پی وی نرسمہا راؤ، بی جے پی کے رہنما ایل کے اڈوانی ، کلیان سنگھ، مرلی منوہر جوشی اور سابق وزیر اعلی ملائم سنگھ یادو بھی پیش ہوئے تھے۔