پہلے مرحلے کی ووٹنگ میں اتر پردیش کے تیرہ اضلاع میں ووٹنگ ہوئی

پہلے مرحلے پر 62 نشتوں کے لیے ووٹنگ ہوئی سب سے زیادہ 57 فیصد ووٹ مہرولی کی سیٹ پر ڈالے گئے ۔ جبکہ سب سے کم 32 فیصد ووٹ مشرقی آگرہ میں ڈالے گئے۔

انُج کمار وشنو ئی کے مطابق کسی بھی مقام سے کسی ناخوشگوار واقعہ کی کوئی اطلاع نہیں آئی ہے۔

جن نشتوں کے لئے ووٹنگ ہوئی ان میں وزیر اعلیٰ ملائم سنگھ یادو کا حلقہ بھی شامل ہے۔

اس الیکشن میں سب سے زیادہ 28 امیدوار آگرہ چھاؤنی سے کھڑے ہوئے تھے۔

	سی آر پی ایف کی 660 کمپنیاں تعینات کی گئیں

سنیچر کو جن علاقوں میں ووٹنگ ہوئی ان میں سے کئی کو حساس علاقے قرار دیا گیا تھا لیکن کہیں سے تشدد کی کوئی اطلاع نہیں ملی۔

پہلے مرحلے کی ووٹنگ میں اتر پردیش کے تیرہ اضلاع میں ووٹنگ ہوئی جس میں اٹاوا ، کانپور ، جھانسی اور آگرہ کی نشستیں شامل ہیں۔

ریاستی وزیر اعلی اور سماجوادی پارٹی کے رہنما ملائم سنگھ یادو کے آبائی گاوں سوفئی میں سخت حفاظتی انتظامات کیے گئے ہیں اور الیکشن کمیشن کی سخت ہدایتوں کے سبب صبح کے وقت ووٹنگ کافی سست رہی اور تقریباً 20 سے 25 فیصد لوگوں نے ووٹ ڈالے۔

انتخابی افسر کے مطابق سینٹرل ریزرو پولیس فورس کی 660 کمپنیاں تعینات کی گئی ہیں۔

	ملائم سنگھ نے پہلے مرحلے کی 62 میں سے 45 نشستوں پر کامیابی حاصل کرنے کا دعویٰ کیا ہے۔

ملائم سنگھ ہیلی کاپٹر سے اپنے حلقے میں ووٹ ڈالنے پہنچے۔ان کا دعوی ہے کہ ان کی پارٹی کو پہلے مرحلے کی 62 نشستوں میں سے 45 پر کامیابی حاصل ہوگی۔

یہ بات قابل ذکر ہے کہ اتر پردیش کی انتخابی تاریخ میں پہلی مرتبہ الیکشن سات مرحلوں میں ہو رہا ہے۔