ہندوستان اس سے قبل پرتھوی، برہموس اور آکاش میزائل کے کامیاب تجربے کرچکا ہے

میزائل کا تجربہ مشرقی ریاست اڑیسہ کے چاندی پور میں واقع میزائلوں کے تجرباتی مرکز انٹیگریٹیڈ ٹیسٹ رینج یعنی ’آئی ٹی آر‘ سے کیا گیا۔ آئی ٹی آر کے مطابق تجربہ مکمل طور پر کامیاب رہا۔

اس میزائل کو ہندوستان کے دفاعی تحقیقاتی ادارے ڈی آر ڈی او نے تیار
کیا ہے۔ فضا سے فضا میں مار کرنے والا یہ میزائل کم دوری پر حملہ کرنے کی صلاحیت رکھتا ہے۔

اطلاعات کے مطابق میزائل ہدف کی طرف اتوار کی صبح روانہ کیا گیا۔ خبر رساں ایجنیسیوں کے مطابق یہ میزائل بیس سے اسی کلومیٹر کی دوری پر مار
کر سکتا ہے۔ اس میزائل کا استعمال ہندوستان کی دفاعی افواج کے حملہ آور ائر کرافٹ سے داغے جانے والے حملوں کے لیے کیا جائے گا۔

اطلاعات کے مطابق اس میزائل کا ریڈار کی مدد سے بھی پتہ لگانا ممکن نہیں ہوگا۔ خیال کیا جارہا ہے کہ ’استر‘ میزائل کا تجربہ بڑے شہروں کی حفاظت کے پیش نظر کیا گيا ہے تاکہ ہندوستان، امریکہ میں 11 ستمبر دوہزار جیسے حملوں سے اپنے بڑے شہروں کا دفاع کر سکے۔