اس میزائل کا پہلا تجربہ جون 2001 میں کیا گیا تھا (فائل فوٹو)

ریاست اڑیسہ کے چاندی پور علاقے میں اتوار کو اس میزائل کو موبائل راکٹ لانچر کے ذریعے ہوا میں چھوڑا گیا۔

ایک دفا‏عی ترجمان کا کہنا ہے کہ اس میزائل کی سب سے بڑی خاصیت اس کی تیز رفتار ہے۔ ان کا کہنا تھا کہ برہموس 2.8 میک کی سپرسانک رفتار سے اڑتا ہے جبکہ باقی کروز میزائل سب سانک رفتار سے پرواز کرتے ہیں۔

یہ میزائل آٹھ میٹر لمبا ہے جبکہ اس کا وزن تین ٹن ہے اور یہ تین سو کلومیٹر تک کے فاصلے پر وار کر نے کی صلاحیت رکھتا ہے۔

یہ میزائل زمین اور آبدوز دونوں سے چھوڑا جا سکتا ہے اور تقریبًا 200 سے 300 کلوگرام روایتی جنگی سازو سامان ’وار ہیڈ‘ لے جا سکتا ہے۔

اس میزائل کا پہلا تجربہ جون 2001 میں کیا گیا تھا اور اسے انڈین ڈیفنس ریسرچ اینڈ ڈویلپمنٹ یعنی ’ڈی آر ڈی او‘ نے روس کے این پی او ایم کی مدد سے تیار کیا ہے۔ اس میزائل کا نام ہندوستان کے دریا برہما پتر اور روس کے دریا موسکوا کے نام پر رکھا گیا ہے۔