الطاف حسین بی بی سی اردو ڈاٹ کام، سرینگر

	کشمیر میں سیاحوں اور کوہ پیماؤں کی بڑی تعداد آتی ہے

کشمیر کے پہاڑی علاقوں کے درمیان لاپتہ ہونے والے کوہ پیما ہفتے کی صبح واپس آئے ہیں۔ ریاست میں فوجی ترجمان کرنل اے کے ماتھر نے بتایا ہے کہ فضائیہ کے ہیلی کاپٹر ان کوہ پیماؤں کے بچانے کے لیے گئے تھے۔

کوہ پیما سلون سوڈان نے بی بی سی کو بتایا کہ پائیلٹ ہیلی کاپٹر کو اس وقت اتارنا چاہتے تھے جب وہ بیالیس سو میٹر اونچائی پر اڑ رہے تھے لیکن سورج کی روشنی سے ان کی آنکھیں اتنی چندھیا ہوگئیں کہ وہ اترنے کی جگہ نہیں دیکھ سکے اور زمین پر بہت تیزی سے آگرے۔

اس درمیان ہیلی کاپٹر پوری طرح برباد ہوگیا لیکن ہیلی کاپٹر میں سوار تینوں کوہ پیما اور پائلٹ بچ گئے۔ حالانکہ مسٹر سوڈان کا کہنا ہے کہ پائیلٹ محفوظ ہیں لیکن وہ کہیں پہاڑوں میں پھنس گئے ہیں اور وہ ان کو ڈھوندنے کے لئے جارہے ہیں۔

پائیلٹ ہیلی کاپٹر کو اس وقت اتارنا چاہتے تھے جب وہ بیالیس سو میٹر اونچائی پر اڑ رہے تھے لیکن سورج کی روشنی سے ان کی آنکھیں اتنی چکاچوندھ ہوگئیں کہ وہ اترنے کی جگہ نہیں دیکھ سکے۔

حکام کے مطابق یہ ہیلی کاپٹر سرینگر اور سونمرگ کے پہاڑی علاقوں کے درمیان لاپتہ ہوا تھا۔ سونمرگ کا علاقہ سرینگر کے شمال مشرق میں چھیاسی کلومیٹر کی دوری پر واقع ہے۔

فرانسیسی کوہ پیما سلون سڈن کو’امپاسبل سکیئر‘ کے نام سے جانا جاتا ہے۔ سڈن دنیا کی مشکل اور دشوارگزار ترین برفانی ڈھلوانوں پر اسکیئنگ کر چکے ہیں۔

وہ ان چند کو پیماؤں میں سے ہیں جنہوں نے K5 نامی چوٹی بھی سر کی ہے۔ یہ چوٹی ’ہڈن پیک‘ کے نام سے جانی جاتی ہے اور یہ پاکستان میں واقع تیسری بلند ترین چوٹی ہے۔