الطاف حسین بی بی سی اردو ڈاٹ کام، سرینگر

	کشمیر میں سیاحوں اور کوہ پیماؤں کی بڑی تعداد آتی ہے

حکام کے مطابق یہ ہیلی کاپٹر سرینگر اور سونمرگ کے پہاڑی علاقوں کے درمیان لاپتہ ہوا ہے۔ سونمرگ کا علاقہ سرینگر کے شمال مشرق میں چھیاسی کلومیٹر کی دوری پر واقع ہے۔

ہیلی کاپٹر میں موجود یورپی کوہ پیماؤں میں فرانسیسی کوہ پیما سلون سڈن بھی شامل ہیں جنہیں’امپاسبل سکیئر‘ کی عرفیت سے جانا جاتا ہے۔سڈن دنیا کی مشکل اور دشوارگزار ترین برفانی ڈھلانوں پر سکیئنگ کر چکے ہیں۔

وہ ان چند کو پیماؤں میں سے ہیں جنہوں نے K5 نامی چوٹی بھی سر کی ہے۔ یہ چوٹی ’ہڈن پیک‘ کے نام سے جانی جاتی ہے اور یہ پاکستان میں واقع تیسری بلند ترین چوٹی ہے۔

کشمیر کی وزارتِ سیاحت کے سیکرٹری نعیم اختر نے بی بی سی کو بتایا کہ بھارتی فوج سے لاپتہ ہیلی کاپٹر کی تلاش کے کام میں مدد طلب کی گئی ہے اور ایک فوجی ہیلی کاپٹر کو اس کام کے لیے روانہ بھی کیا گیا ہے۔