عام تاثریہ تھا کہ بجٹ میں ٹیکس گزاروں کو 30 سے 50 ہزار روپے تک کی مزيد چھوٹ دی جائے گی مگر ایسا نہیں کیا گیا

مسلسل بڑھتی ہوئی مہنگائی کے سبب عام تاثریہ تھا کہ عام بجٹ میں 30 سے 50 ہزار روپے تک کی مزيد چھوٹ دی جائے گی لیکن وزیر خزانہ پی چدمبرم نے صرف دس ہزار روپے کا اضافہ کیا ہے۔

خواتین کے لیے یہ رقم ایک لاکھ پینیس ہزار روپے سے بڑھا کر ایک لاکھ پینتالیس ہزار روپے اور سینئر شہیریوں کے لیے یہ رقم ایک لاکھ پچاسی ہزار سے بڑھا کر ایک لاکھ پچانوے ہزار کردی گئی ہے۔

کمپنیوں کے انکم ٹیکس پر لگنے والے ضمنی ٹیکس کو ہٹا لیا گیا ہے اور سروس ٹیکس میں کچھ تبدیلیاں کی گئی ہيں۔ نئے بجٹ کے مطابق آٹھ لاکھ سے کم کے کاروبار پر سروس ٹیکس نہیں لگے گا۔

تعلیم کے لیے فنڈ جمع کرنے کی غرض سے ایک فیصد اضافی ضمنی ٹیکس لگایا گیا ہے۔ اس مد میں دو فیصد اضافی ٹیکس پہلے سے ہی نافذ ہے۔