الطاف حسین بی بی سی اردو ڈاٹ کام، سرینگر

	سابق وزیراعلی اور پیپلس ڈیموکریٹک پارٹی کے رہمنا مفتی محمد سعید

انہوں نے یہ پیشکش وزیراعلی غلام نبی آزاد کے اس بیان کے بعد کی ہے جس میں انہوں نے کہا تھا کہ اگر ریاست کے رہنما انہيں دی جا رہی سکیورٹی کو لوٹا دیں تو وہ فورا مرکزي حکومت کو ہندوستان کے زیرانتظام جموں و کشمیر سے فوج ہٹا لینے سے متعلق خط لکھ دیں۔

مسٹر سعید کے دفتر کی جانب سے جاری کیے گئے بیان میں کہا گیا ہے کہ سرکردہ شخصیات کو جو سکیورٹی حاصل ہے اس کا قیامِ امن اور قانون کے عمومی صورتحال کے ساتھ کوئی تعلق نہیں ہوتا ہے۔

انہوں نے مزید کہا: ’ہم محسوس کرتے ہیں کہ اگر ہمارے ذاتی سکیورٹی سرنڈر کرنے، افواج کو فراہم کیے گئے خصوصی اختیارات واپس لینے اور سکیورٹی فورسز کی تعداد میں کمی کرنے کی ہماری پیشکش (حکومت) تسلیم کر سکتی ہے تو ہم تیار ہیں۔‘

واضح رہے کہ حکمراں کانگریس کی اتحادی پی ڈی پی اور حزب اختلاف کی جماعت نیشنل کانفرنس نے ریاست سے فوج ہٹانے اور اس کو فراہم کیے گئے خصوصی اختیارات واپس لینے کا مطلبہ کیا ہے۔ ریاست میں افواج کو شدت پسندی کی سرگرمیوں کے شبہہ میں کسی کو بھی حراست میں لینے کے اختیارات حاصل ہیں۔

لیکن کانگریس کا کہنا ہے کہ ابھی ان اختیارات کو واپس لینے کے لیے مناسب حالات نہیں ہیں۔

وزیر اعلی غلام نبی آزاد کا کہنا ہے کہ حالانکہ ریاست میں قانون کا نظام بہتر ہوا ہے لیکن فوج کو اس وقت تک نہیں ہٹایا جا سکتا جب تک حالات 1990 کی شروعات کے جیسے نہیں ہو جاتے ہیں۔

مسٹر آزاد کا کہنا ہے کہ سکیورٹی کا نظام اب بھی تشویشناک معاملہ ہے کیوں کہ سیاسی رہنما ابھی بھی بے خوف گھم پھر نہیں سکتے ہیں۔