ایم ایس احمد پٹنہ

	پھانسی کے پھندے کی رسی کو ایک خاص طریقے سے تیار کیا جاتا ہے۔

تہاڑ جیل نے اس سلسلے میں بہار کی بکسر جیل سے پھندا طلب کیا ہے۔

بکسر جیل کے سپرنٹنڈنٹ عرفان الحق انصاری نے بی بی سی کو بتایا کہ تہاڑ جیل کے ڈپٹی سپرنٹنڈنٹ انجنی کمار تیرہ اکتوبر کو بکسر جیل پہنچے تھے۔ مسٹر کمار ایک سو اسی روپے فی کلو گرام کے نرخ سے پھانسی کا پھندا بنانے کے کام آنے والی پونے چار کلو رسی اپنے ساتھ لے گۓ ہیں۔

عرفان الحق کے مطابق انجنی کمار نے انہیں بتایا کہ یہ رسی محمد افضل کو پھانسی کی سزا دینے کے سلسلے میں ہی خریدی گئی ہے۔

بکسر جیل کے ڈپٹی سپرنٹنڈنٹ (صنعت) سنجے کمار کے مطابق

پندرہ فٹ کی جگہ ساٹھ فٹ  پھانسی کا ایک پھندا بنانے کے لیے عموماً پندر فٹ لمبی رسی درکار ہوتی ہے لیکن تہاڑ جیل کے ڈپٹی سپرنٹنڈنٹ ساٹھ فٹ لمبی رسی لے گۓ ہیں

واضح رہے کہ محمد افضل کو ملک کی سپریم کورٹ نے آئندہ بیس اکتوبر کو پھانسی کے ذریعہ موت دینے کی سزا سنائی ہے۔

دریں اثنا محمد افضل کو معافی دینے کی مخالفت کرنے والی ہندو نواز بھارتیہ جنتا پارٹی اور چند دیگر تنظیموں نے اعلان کر رکھا ہے کہ صدر جمہوریہ کا فیصلہ چاہے جو ہو اپنی طرف سے وہ بیس اکتوبر کو علامتی طور پر محمد افضل کو پھانسی پر چڑھائیں گے۔ اس سلسلے میں بی جے پی مختلف پروگرام منعقد کر رہی ہے۔