ریحانہ بستی والا بی بی سی اردو ڈاٹ کام، مالیگاؤں

	اب تک 42 لاشیں دفنائی گئی ہیں جن میں 20 بچے شامل تھے

دھماکے میں گيارہ سالہ فہد ملک کے دونوں پیروں پر چوٹ آئی ہے۔ جبکہ نوید انجم کے دونوں ہاتھوں پر چوٹ ہے اور سینہ پھٹ گیا ہے۔ فیصل کہتے ہیں کہ دعا کے بعد ’ہم اپنی دری سمیٹ رہے تھے کہ اچانک کچھ اڑتا ہوا سامنے نظر آیا دیکھا تو اشعار کے جسم سے خون بہہ رہا تھا۔ ایک صاحب اسے فورا لے کر بھاگے۔ میں بھاگا بھاگا گھر آيا اور بتایا کہ اشعار کو ہسپتال لے جایا گيا ہے لیکن شام کو ہسپتال سے اشعار کی لاش آئي‘۔ نوید انجم اور فہد کو بھی ہسپتال میں داخل کیا گیا ہے۔

شب برات: مالیگاؤں میں دھماکے

زخمی کا نام نہ پوچھ سکا: عینی شاہد

فہد فیصل اشعار اور نوید اکثر ایک ساتھ نماز پڑھنے جاتے تھے لیکن اس واقعے سے وہ اتنے سہم گئے ہیں کہ انہیں مسجد جانے سے ڈر لگتا ہے۔ نو سالہ فہد کہتے ہیں ’مجھے بہت ڈر لگتا ہے اور اب میں مسجد میں نماز پڑھنے نہیں جاؤں گا‘۔ فیصل اور نوید بھی اب مسجد میں دوبارہ جانے سے ڈرتے ہیں۔

شکیل ہمدانی بلاسٹ کے بعد افراتفری کے چشم دید گواہ ہیں وہ کہتے ہیں دور دور تک بھگدڑ ہی بھگدڑ تھی اور پولیس کا کہیں نام و نشان نہیں تھا۔ ’عام طور پر ایسے موقعوں پر انتظامیہ حفاظتی بند وبست کرتی ہے لیکن جب جمعہ کی نماز میں اتنی بڑی تعداد لوگ جمع ہوتے ہیں تو یہاں حفاظتی بند وبست کیوں نہیں کیئے گئے تھے‘۔

شہر میں عام طور پر لوگ یہی شکایت کرتے ہیں کہ جب ریاست میں چوکسی برتی جارہی تھی تو پھر بھیڑ بھاڑ والی جگہ پر سکیورٹی کا انتظام کیوں نہیں تھا۔