صلاح الدین بی بی سی اردو ڈاٹ کام، دلی

مقامی انتظامیہ کا کہنا ہے کہ اس طوفان سے ضلع گنٹور میں دس افراد مارے گئے ہیں جبکہ باقی ہلاکتیں طوفان سے متاثرہ ساحلی علاقوں میں ہوئی ہیں۔

حکام کے مطابق اس طوفان کی وجہ خلیجِ بنگال میں ہوا کے دباؤ میں کمی تھی۔ یہی وجہ ہے کہ علاقے میں تقریباً پانچ گھنٹے تک تند وتیز ہواؤں کے ساتھ بادل گرجتے اور بجلی چمکتی رہی۔

اس بے موسم بارش اور طوفانی ہواؤں سے بہت سےگھرمنہدم ہوگئے ہیں۔ علاقے کے بہت سے پیڑ اور بجلی و ٹیلی فون کے کھبمے اکھڑ گئے ہیں جس سے مواصلاتی نظام بھی درہم برہم ہوگیا ہے۔

خشک سالی کے سبب آندھرا پردیس کے کسانوں کو کافی مشکلات کا سامنا ہے اور ایسے میں اس طوفان سے ان کی آم کی فصل پوری طرح تباہ ہوگئی ہے۔

محکمہ موسمیات کا کہنا ہے کہ اس علاقے میں اس طرح کے مزید طوفان آنے کا امکان ہے۔