’والٹز ودھ بشیر‘ نے ’سلم ڈوگ ملینئیر‘ اور ’ملک‘ جیسی فلموں کو شکست

’والٹز ودھ بشیر‘ کے نام سے یہ فلم ہدایت کار ایئر فولمان نے بنائی ہے جو اسرائیل فوج میں اپنی ملازمت کے دوران انیس سو بیاسی میں لبنان حملے کے دوران ڈھائے جانے والے مظالم کے عینی شاہد ہیں۔

’والٹز ودھ بشیر‘ نے ’سلم ڈوگ ملینئیر‘ اور ’ملک‘ جیسی فلموں کو شکست دے کر یہ اعزاز حاصل کیا ہے۔

’نیشنل سوسائٹی آف فلم کریٹکس‘ نے ہالی ووڈ سٹار شان پین کو فلم ’ملک‘ کے لیے بہترین اداکار کا ایوارڈ دیا ہے جبکہ سیلی ہاؤکنس کو بہترین ادکارہ کا ایوارڈ دیا گیا ہے۔

	سیلی ہاؤکنس کو بہترین ادکارہ کا ایوارڈ ملا

مائیک لیہ کو بہترین ہدایت کار اور سکرین رائٹر جبکہ ایڈی مارسن کو بہترین معاون اداکار کا ایوارڈ ملا جبکہ حنا شیگولہ نے فلم ’ایج آف ہیون‘ کے لیے بہترین معاون ادکارہ کا ایوارڈ دیا گیا۔

برطانوی فلم ’ہیپی گو لکی‘ کو بھی چار ایوارڈز دیے گئے ہیں جبکہ اس کے علاوہ ’مین آن دی وائر‘ کو بہترین دستاویزی فلم کا ایوارڈ دیا گیا ہے۔